Иттифоқи композиторони Тоҷикистон бахшида ба Рӯзи байналмилалии мусиқӣ барномаи фарҳангӣ доир менамояд
ДУШАНБЕ, 30.09.2019. /АМИТ «Ховар»/. 1 октябр, соати 14.00, бахшида ба Рӯзи байналмилалии мусиқӣ дар толори мусиқии камеравии Иттифоқи композиторони Тоҷикистон бо иштироки композиторону мусиқишиносон барномаи консертии академии истеъдодҳои ҷавон баргузор мешавад. Барномаи консертӣ бо ташаббуси Иттифоқи композиторони Тоҷикистон доир мегардад.
Ҳадаф аз баргузории барнома мусоидат намудан дар тарғиби мусиқии касбӣ ва фароҳам овардани шароит баҳри татбиқи имкониятҳои эҷодии наврасону ҷавонон мебошад.
Ёдовар мешавем, ки Рӯзи байналмилалии мусиқӣ бо ташаббуси Шӯрои байналмилалии мусиқии назди созмони ЮНЕСКО соли 1973 дар Ассамблеяи Генералии 15-ум дар шаҳри Лозанна таъсис дода шуд.
Аз 1 октябри соли 1975 инҷониб он ҳамасола чун Рӯзи байналмилалии мусиқӣ ҷашн гирифта мешавад. Яке аз ташабускорони таъсиси ин ҷашн композитори маъруф Дмитрий Шостакович мебошад.
Санъати мусиқӣ ё услубу воситаҳои хоси композитсионии он осори ягон давр, халқ ё худ бастакорони барҷастаро тадқиқ мекунад. Барои омӯзиши унсурҳои ҷудогонаи мусиқӣ предметҳои назариявии мусиқӣ, аз ҷумлаи оҳанг, ритм, гармония, полифония, таҳлили шаклҳои мусиқӣ, оркестрон ва ғайра машғуланд.
Дар мамлакатҳои Шарқ ва Осиёи Миёна илми мусиқӣ ва шохаҳои он, илми таълиф, илми икоъ, илми адвор ва ғайра аз қадимулайём дар байни олимон, мусиқишиносон, созандагону навозандагон мақоми намоён доштаанд.
Дар пешрафти илми мусиқии Шарқ як зумра олимони тоҷик, ба мисли Форобӣ, Ибни Сино, Абдулмуъмини Урмавӣ, Абдулқодири Гӯянда, Абдураҳмони Ҷомӣ, Зайнулобидини Ҳусайнӣ, Наҷмуддин Кавкабии Бухороӣ, Дарвешалии Ҷангӣ ҳиссаи калон гузоштаанд.
Дар Тоҷикистон мусиқӣ ва илми мусиқишиносӣ солҳои охир хеле рушду нумӯъ кардаанд.
Дар Душанбе конференсияи байналмилалии «Густариши ҳамкории мамлакатҳои Осиёи Марказӣ дар бахши обу энергетика» идома меёбад
Дар Бохтар аввалин Фестивал-намоишгоҳи байналмилалии донишгоҳҳои давлатҳои хориҷӣ баргузор гардид
Дар мавзуи «Паёми Президенти Тоҷикистон ва масъалаҳои рушди фаъолияти китобдорӣ ва бойгонишиносӣ» ҳамоиш доир шуд
Дар Академияи миллии илмҳои Тоҷикистон бо ҳайати намояндагони Академияи илмҳои Чин вохӯрӣ доир шуд
Дар Тоҷикистон барномаи омӯзишии Мактаби театрии Александрин мегузарад
ТАРБИЯИ ВАТАНДӮСТИИ ШАҲРВАНДОН. Дар шаҳри Ҳисор озмунҳои «Тоҷикистони ман!» ва «Шоҳнома Ватан аст!» доир мегарданд
Байни Тоҷикистон ва Италия Барномаи ҳамкории фарҳангӣ, илмӣ ва технологӣ барои солҳои 2024-2027 ба имзо расид
Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
САДРИДДИН АЙНӢ-БУНЁДГУЗОРИ АДАБИЁТИ НАВИНИ ТОҶИК. Дар Академияи миллии илмҳои Тоҷикистон конференсияи илмӣ-адабӣ гузаронида шуд
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
