Кунио Микурия: «Созмони умумиҷаҳонии гумрук барои амалӣ намудани ислоҳати соҳаи гумруки Тоҷикистон мусоидат менамояд»
ДУШАНБЕ, 23.09.2019 /АМИТ «Ховар»/. Тавре хабар додем, имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Дабири кулли Созмони умумиҷаҳонии гумрук Кунио Микурияро, ки бо сафари расмӣ ба Душанбе омадааст, ба ҳузур пазируфтанд.
Пас аз мулоқот бо Пешвои миллат Эмомалӣ Раҳмон Дабири кулли Созмони умумиҷаҳонии гумрук Кунио Микурия бо хабарнигорони ватаниву хориҷӣ нишасти хабарӣ доир намуд.
Зимни нишаст Кунио Микурия изҳор дошт, ки дар мулоқот бо Президенти Ҷумҳурии Тоҷикистон Эмомалӣ Раҳмон маҷмӯи масъалаҳои раванди ислоҳоти соҳаи гумрук дар Тоҷикистон, аз ҷумла дар миқёси шаҳри Душанбе ва дигар дидбонгоҳҳои минтақаҳои сарҳадӣ баррасӣ гардиданд.
Кунио Микурия афзуд, ки барои беҳбуд бахшидани фаъолияти Хадамоти гумруки Ҷумҳурии Тоҷикистон бояд тадбирҳои мушаххас мавриди амал қарор гиранд. Дар ин раванд омода намудани кадрҳои соҳа, таъмин ва муҷаҳҳаз гардонидани дидбонгоҳҳо бо технологияҳои муосир ва таҷдиди инфрасохтори гумрукӣ зарур мебошад, ки ин пеш аз ҳама, барои беҳтар намудани фазои сармоягузорӣ мусоидат хоҳад кард.
Дар ҷараёни мулоқот ҳолати кунунӣ ва дурнамои шарикии Тоҷикистон бо Созмони умумиҷаҳонии гумрук мавриди баррасӣ қарор дода шуд.
Ёдовар мешавем, ки имрӯз Дабири кулли Созмони ҷаҳонии гумрук /СҶГ- WCO – World customs organization/ Кунио Микурия бо сафари расмии серӯза ба Ҷумҳурии Тоҷикистон ташриф овард.
Ҳамзамон Кунио Микурия дар Душанбе бо сардори Хадамоти гумруки назди Ҳукумати Ҷумҳурии Тоҷикистон Хуршед Каримзода мулоқот намуд.
Кунио Микурия дар ҳошияи сафари расмӣ ба Тоҷикистон аз дидбонгоҳҳои гумрукии «Терминал»-и Раёсати минтақавии гумрукии шаҳри Душанбе ва дидбонгоҳи гумрукии «Дӯстӣ»-и Раёсати минтақавии гумрукӣ дар шаҳри Турсунзода боздид намуда, бо фаъолияти онҳо аз наздик шинос гардид. Дабири кулли СҶГ инчунин аз «Кохи Наврӯз», ангурбоғи шаҳри Турсунзода ва дараи Варзоб дидан хоҳад кард
Сафири Тоҷикистон бо муовини Вазири корҳои хориҷии Лаҳистон мулоқот намуд
Ҳамкории мутақобили судманди Тоҷикистон бо Созмони байналмилалии ҳуқуқи рушд баррасӣ гардид
РАВАНДИ ОБИ ДУШАНБЕ. Дар Конфронси чоруми Душанбе се санади муҳими ҷамъбастӣ қабул карда мешаванд
Аҳднома оид ба ҳамҷавории неку абадӣ, дӯстӣ ва ҳамкорӣ байни Ҷумҳурии Тоҷикистон ва Ҷумҳурии Мардумии Чин ба имзо расид
РАВАНДИ ОБИ ДУШАНБЕ. Зиёда аз 110 ҳайати расмии давлатҳои аъзои СММ иштироки худро дар конфронс тасдиқ намуданд
Дастовардҳо ва иқтидори Тоҷикистон дар соҳаи зеҳни сунъӣ дар Амрико муаррифӣ гардид
Ҳамкории иқтисодию тиҷоратии Тоҷикистон ва Лаҳистон баррасӣ гардид
Сафири Тоҷикистон ба намояндагони расонаҳои Покистон оид ба ташаббусҳои байналмилалии мамлакат маълумот дод
Раиси Ҷумҳурии Мардумии Чин Си Ҷинпин: «Таҳти роҳбарии Эмомалӣ Раҳмон Тоҷикистон дар бунёди давлатдорӣ ба дастовардҳои назаррас ноил гардид»
Сафири Тоҷикистон бо вазири Девони амирии Давлати Кувайт шайх Ҳамад Ҷобир Ал-Алӣ Ас-Сабоҳ мулоқот намуд
Масоили муҳими ҳамкории дуҷонибаи Тоҷикистон ва Қатар дар соҳаҳои ҳифзи муҳити зист баррасӣ гардид
Дар Риёз масоили ҳамкории байнипарлумонии Тоҷикистону Арабистони Саудӣ баррасӣ гардид
