Вазири корҳои дохилии Тоҷикистон бо роҳбарони ҷамъиятҳои тоҷикони Федератсияи Россия мулоқот намуд

Сентябрь 16, 2019 12:20

ДУШАНБЕ, 16.09.2019./АМИТ «Ховар»/. Вазири корҳои дохилии Ҷумҳурии Тоҷикистон  Рамазон Раҳимзода  бо роҳбарони ҷамъиятҳои тоҷикон  дар шаҳру вилоятҳои  Федератсияи Россия мулоқот намуд. Зимни мулоқот Вазири корҳои дохилӣ  иштирокдоронро  бо 28-солагии Истиқлолияти давлатии Ҷумҳурии Тоҷикистон ва ифтитоҳи агрегати дуюми Неругоҳи барқи обии «Роғун»  табрик гуфта, ба  онҳо барори кор  таманно намуд.

Дар навбати худ, намояндагони ҷамъиятҳои тоҷик барои дастгирӣ ва ғамхории пайваста ба Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва  Ҳукумати Ҷумҳурии Тоҷикистон арзи сипос  намуда, зикр  карданд, ки бо  мақомоти  давлатӣ пайваста ва ҳамаҷониба ҳамкорӣ  карда,  сиёсати пешгирифтаи Ҳукумати Ҷумҳурии Тоҷикистонро  дастгирӣ менамоянд.

«Гарчанде аз Ватан дурем, вале ободию шукуфоии диёри азизамонро дидаву шунида, аз ин шахсияти маъруф ва шинохта-Сарвари давлату миллати соҳибтамаддун ифтихор менамоем, ки дар чанд соли охир Тоҷикистон хеле ободу зебо шуда, ба пешравиҳои чашмрас ноил гардидааст. Мо  омода ҳастем барои инкишоф ва боло бурдани нуфузи Тоҷикистони азиз саҳм гузорем»,- изҳор намуданд ҳамватанони бурунмарзӣ.

Дар  фарҷоми ҷамъомад Вазири корҳои дохилии Тоҷикистон барои ҳамкории судманд бо мақомоти корҳои дохилӣ ба як зумра  намояндагони ҷамъияти тоҷикон дар Федератсияи Россия медалҳои «Барои ҳамкорӣ»  ва «Ифтихорнома»-ҳо тақдим намуд.

Сентябрь 16, 2019 12:20

Хабарҳои дигари ин бахш

Дар ярмаркаи интихоби касб дар Душанбе ба корҷӯён 2677 ҷойи кор ва вазифаи озод пешниҳод шуд
Пагоҳ дар панҷ гӯшаи Тоҷикистон ярмаркаи ҷойи кор ва вазифаҳои озод баргузор мегардад
ҲИФЗИ САРЗАМИН ҚАРЗИ ФАРЗАНДИИ МОСТ! ҲХДТ нақшаи чорабиниҳоро оид ба тарбияи ҳарбӣ-ватандӯстии ҷавонон тасдиқ намуд
Тоҷикистон ва Узбекистон ҷиҳати омода намудани мутахассисони сатҳи баланд Ёддошти тафоҳуми ҳамкорӣ ба имзо мерасонанд
Соҳибкорони Истаравшан ба сокинони зарардидаи наздисарҳадӣ кумак намуданд
Дар Хуҷанд доир ба пешгирии зӯроварӣ дар оила мулоқот баргузор гардид
Дар Хоруғ пешгирии зӯровариро дар оила муҳокима карданд
БО ҲАМЛАИ НИЗОМИЁНИ ҚИРҒИЗ МО ҲАРГИЗ ТАРКИ ЗАМИНИ АҶДОДӢ НАМЕКУНЕМ. Чунин изҳор менамояд бо ифтихори ватандорӣ сокини 60-солаи деҳаи Хоҷаи Аълои Исфара Абдукарим Шарифзода
COVID-19. Ба Тоҷикистон беш аз ду миллион воя ваксинаи «КоронаВак» ворид гардид
МАҲКУМИЯТИ 10-СОЛА БАРОИ САРКАШӢ АЗ ХИЗМАТИ ҲАРБӢ. Думаи давлатии Федератсияи Россия ба ҷазо барои ҷиноят дар замони ҷанг тағйирот ворид намуд
ҲАМЛАИ ТАҶОВУЗКОРОНАИ ҚИРҒИЗИСТОН. Барои барқарорсозии хонаҳои сокинони деҳоти Овчиқалъача ва Хистеварзи ноҳияи Бобоҷон Ғафуров ситоди махсус ташкил мешавад
ҲАМЛАИ ТАҶОВУЗКОРОНАИ ҚИРҒИЗИСТОН. Куштори кӯдакону табибон ва мардуми осоишта сахттарин ҷиноят аст,- Садриддин Ҳасанзода, узви Иттифоқи нависандагони Тоҷикистон