Ҳаҷми истеҳсоли маҳсулоти саноатӣ дар Ёвон ба беш аз 1 миллиард сомонӣ расидааст

Октябрь 19, 2019 11:05

ЁВОН, 19.10.2019 /АМИТ «Ховар»/. Дар нуҳ моҳи соли равон ҳаҷми истеҳсоли маҳсулоти саноатӣ дар ноҳияи Ёвон  ба 1 миллиарду 89 миллиону 945,7 ҳазор сомонӣ расид. Ин  нисбат ба ҳамин давраи соли гузашта 100 миллиону 285,6 ҳазор сомонӣ зиёд мебошад. 

Муовини якуми раиси ноҳияи Ёвон Аскарбек Набизода гуфт, ки дар ин давра  ба миқдори 1 миллиону 810 ҳазору 918 тонна семент, 142 тонна намаки ошӣ, 1050 тонна оҳаки сохтмонӣ, 77,4 ҳазор дона хишти пухта, 994475 дона гаҷкартон, 801,3 тонна риштаи бофандагӣ, 1897,2 ҳазор дона хишти сементӣ, 3 миллион ҷуфт ҷӯроб, 20 ҳазору 475,1 тонна орд, 4496,35 тонна нон ва маҳсулоти нонӣ ва дигар номгӯи маҳсулот истеҳсол гардида, 648  ҳазору 428 тонна семент, 30 тонна намаки ошӣ, 336 ҳазору 80 дона гаҷкартон, 617,3 тонна риштаи пахтагин, 2 миллиону 225,3 ҳазор ҷуфт ҷӯроб, 38,2 тонна риштаҳои рангкардашуда ва 1534,7 тонна алюминийи фтордор ба хориҷи мамлакат содирот гардидааст.

Тибқи иттилои масъулини мақомоти иҷроияи ҳокимияти давлатии ноҳияи Ёвон, соли 2019 бахшида ба  30-солагии Истиқлолияти давлатии Ҷумҳурии Тоҷикистон ва  саноатикунонии мамлакат   коргоҳи коркарди шири  ҶДММ «Тиҷорати сорбон», коргоҳи истеҳсоли рангҳои эмулсионии ҶДММ «Муаллими Файзалӣ»,  коргоҳи истеҳсоли бомпӯшҳои азбистии ҶДММ «Муқимӣ-1»  ва коргоҳи истеҳсоли маҳсулоти меваю сабзавоти ҶДММ «Ёсини Ёвон» ба истифода дода шуданд.

Ба иттилои манбаъ, дар ин коргоҳҳои истеҳсолӣ зиёда аз 25  нафар сокинон ба кори доимӣ  ҷалб гардиданд.

Октябрь 19, 2019 11:05

Хабарҳои дигари ин бахш

КАМ АСТ Ё ЗИЁД? Тоҷикистон дар се моҳи аввали соли равон 600 тонна моҳӣ истеҳсол намудааст
БА ИСТИҚБОЛИ 25-СОЛАГИИ ВАҲДАТИ МИЛЛӢ. Қитъаи роҳи Шкев-Қалъаихум ба истифода дода мешавад
Дар Тоҷикистон барои соҳибкорони инфиродии тибқи патент ё шаҳодатнома фаъолияткунанда тартиби нави андозбандӣ муқаррар гардид
«Моликияти зеҳнӣ ва ҷавонон: Инноватсия барои ояндаи беҳтар». Таҳти чунин унвон дар Душанбе ҳамоиш доир шуд
Татбиқи «Барномаи рушди нақлиёти барқӣ дар Ҷумҳурии Тоҷикистон барои солҳои 2022-2026» истифодаи электромобилҳоро афзоиш медиҳад
ПАНҶСОЛАИ РУШДИ САНОАТ. ҶДММ «Тоҷфилиз» дар се моҳ ба маблағи зиёда аз 2 миллион сомонӣ маҳсулот истеҳсол намуд
ТАЪМИНИ АМНИЯТИ ОЗУҚАВОРӢ. Дар Маркази назорати давлатии санитарию эпидемиологии Суғд бо масъулини соҳаи савдо мулоқот доир шуд
«Somon Air» дар масири Душанбе-Алмато-Душанбе ҳафтае ду маротиба парвоз анҷом медиҳад
Дар Душанбе дурнамои нишондиҳандаҳои рушди соҳаҳои воқеии иқтисоди миллӣ баррасӣ гардид
Дар ноҳияи Ҷалолиддини Балхӣ вобаста ба содироти маҳсулоти кишоварзӣ ҷаласа доир шуд
Дар Душанбе рушди ҳамкории мутақобилан судманди Тоҷикистон ва Дафтари Швейтсария оид ба ҳамкории иқтисодӣ баррасӣ гардид
НАМОИШГОҲИ «ИННОПРОМ.Осиёи Марказӣ». Дар он маҳсулот ва хизматрасонии 28 корхонаи Тоҷикистон ба намоиш гузошта шудааст