Қабули Конститутсия ба ислоҳоти судӣ дар Тоҷикистон заминаи боэътимод гузошт
ДУШАНБЕ, 25.10.2019 /АМИТ «Ховар»/. Маҳз қабули Конститутсия ба ислоҳоти судӣ дар мамлакат замина гузошта, ҳокимияти судӣ рукни мустақили ҳокимияти давлатӣ эътироф гардид ва дар ин замина бори нахуст дар Ҷумҳурии Тоҷикистон Суди конститутсионӣ, судҳои иқтисодӣ ва ҳарбӣ таъсис дода шуданд. Ин нуктаро Раиси Суди Олии иқтисодии Ҷумҳурии Тоҷикистон Мавлуда Қаландарзода дар ҳамоише, ки имрӯз дар Душанбе таҳти унвони «Нақши Конститутсияи Ҷумҳурии Тоҷикистон дар таҳкими судҳои иқтисодӣ» ба ифтихори 25-умин солгарди қабули Конститутсияи Ҷумҳурии Тоҷикистон доир гардид, иброз дошт.
Хабарнигори АМИТ «Ховар» иттилоъ медиҳад, ки дар ҳамоиш роҳбарият, судяҳо, собиқадорони соҳа ва кормандони дастгоҳи судҳои иқтисодии мамлакат иштирок намуданд.
Мавлуда Қаландарзода зикр кард, ки баъди ба даст овардани Истиқлолияти давлатӣ ба халқи Тоҷикистон муяссар гардид, ки 6 ноябри соли 1994 тариқи раъйпурсии умумихалқӣ санади муҳими миллӣ –Конститутсияи Ҷумҳурии Тоҷикистонро қабул намояд. Гуфта шуд, ки мақсади асосии халқ ҳангоми қабули Конститутсияи Ҷумҳурии Тоҷикистон- ин таъмини соҳибихтиёрии давлати худ ва рушду камоли он, муқаддас эълон намудани озодӣ ва ҳуқуқи шахс, эътироф намудани баробарҳуқуқӣ ва дӯстии тамоми миллату ҳалқиятҳо, бунёди ҷомеаи адолатпарвар буда, дар Конститутсия инсон ва ҳуқуқу озодиҳои ӯ арзиши олӣ эътироф гардидаанд.
Дар ҳамоиш ҳамзамон собиқадорони мақомоти судии мамлакат Файзулло Абдуллоев, Ғоибназар Амирхӯҷа, инчунин раисони судҳои олии иқтисодии Вилояти Мухтори Кӯҳистони Бадахшон, Суғду Хатлон роҷеъ ба нақши Конститутсияи Ҷумҳурии Тоҷикистон дар таҳкими судҳои иқтисодӣ ибрози назар намуданд.
Таъкид шуд, ки бо мақсади тақвияти ҳокимияти судӣ, содагаронии ҷараёни мурофиаи судӣ, баланд бардоштани нақши суд дар ҳифзи ҳуқуқу озодиҳои инсону шаҳрванд, ҳимояи манфиати давлат, ташкилотҳо, таъмини қонунияту адолат ва дар заминаи он такмили сохтор ва фаолияти мақомоти судии мамлакат дар Ҷумҳурии Тоҷикистон чор барномаи ислоҳоти судӣ-ҳуқуқӣ қабул ва татбиқ гардиданд.
Бо Фармони Президенти Ҷумҳурии Тоҷикистон моҳи апрели соли равон тасдиқ гардидани Барномаи ислоҳоти судӣ-ҳуқуқӣ дар Ҷумҳурии Тоҷикистон барои солҳои 2019-2021 яке аз онҳост.
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
