Ҷавононро мебояд ба илмомӯзӣ машғул шуда, аз амалҳои ношоиста худдорӣ намоянд-бардошт аз мулоқот бо донишҷӯён
ДУШАНБЕ, 28.10.2019 /АМИТ «Ховар»/. Имрӯз дар Донишгоҳи миллии Тоҷикистон мулоқоти намояндагони Раёсати кор бо ҷавонон ва варзиши шаҳри Душанбе ва Раёсати Вазорати корҳои дохилии Ҷумҳурии Тоҷикистон бо донишҷӯён доир гардид.
Мулоқоти мазкур дар доираи нақшаи чорабиниҳои Раёсати кор бо ҷавонон ва варзиши шаҳри Душанбе роҳандозӣ шуда, дар он сардори Раёсати кор бо ҷавонон ва варзиши шаҳри Душанбе Иброҳим Мирзозода, сардори Хадамоти пешгирии ҳуқуқвайронкунӣ дар байни ноболиғон ва ҷавонони Раёсати Вазорати корҳои дохилӣ дар шаҳри Душанбе Фирдавс Хайров, намояндаи Раёсати тандурустии шаҳри Душанбе Ато Собирзода иштирок ва суханронӣ намуданд.
Тавре аз Раёсати кор бо ҷавонон ва варзиши шаҳри Душанбе ба АМИТ «Ховар» хабар доданд, масъулин атрофи масъалаҳои муҳим, ки ба наврасону ҷавонон рабт доранд, андешаронӣ намуданд.
Аз ҷумла онҳо аз дастгириву таваҷҷуҳи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба ҷавонон ёдовар шуда, иброз доштанд, ки имрӯз дар самти татбиқи сиёсати давлатии ҷавонон тамоми имконияту шароит фароҳам оварда шудааст. Аз ин рӯ ҷавононро мебояд ба омӯхтани илму дониш машғул шуда, аз даст задан ба ҳар гуна амалҳои ношоиста худдорӣ намоянд.
Зимни мулоқот ҳамчунин ҷиҳати амалӣ намудани дастуру супоришҳои Раиси шаҳри Душанбе муҳтарам Рустами Эмомалӣ оид ба тарбияи ватандӯстӣ, ташаккули тарзи ҳаёти солим, пешгирии ҷинояткорӣ, ҳуқуқвайронкунӣ, муноқишаҳои гурӯҳии хонандагону донишҷӯён сухан карда шуд.
Ёдовар мешавем, ки то 3 декабри соли равон мулоқоти Раёсати кор бо ҷавонон ва варзиши шаҳри Душанбе ва Раёсати Вазорати корҳои дохилии Ҷумҳурии Тоҷикистон бо донишҷӯёни 36 муассисаи оливу касбии шаҳри Душанбе баргузор карда мешавад.
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
