Дар Душанбе ҷаласаи роҳбарони шабакаҳои алоқаи миллии мақомоти гумруки ИДМ RILO – Москва баргузор гардид

ДУШАНБЕ, 15.10.2019/АМИТ «Ховар»/. Имрӯз дар шаҳри Душанбе ҷаласаи 18-уми роҳбарони шабакаҳои алоқаи миллии хадамоти  гумруки кишварҳои узви шабакаҳои алоқаи минтақавӣ оид ба ҳифзи ҳуқуқи  Cозмони Ҷаҳонии  Гумрук  /СҶГ/ оид ба кишварҳои Иттиҳоди Давлатҳои Мустақил /ИДМ/  RILO-Москва  баргузор гардид.

Хабарнигори АМИТ «Ховар» Марзия Саидзода иттилоъ  медиҳад, ки  иштирокдорони ҷаласаи 18-уми роҳбарони шабакаҳои алоқаи миллии RILO — Москваро  аз номи роҳбарияти Хадамоти гумруки назди Ҳукумати Ҷумҳурии Тоҷикистон муовини сардори Хадамоти гумруки назди Ҳукумати  Ҷумҳурии Тоҷикистон  Изатулло

Ҳурматзода хайрамақдам гуфта, нақши шабакаҳои алоқаи  миллии хадамоти  гумруки кишварҳои узви шабакаҳои алоқаи минтақавӣ оид ба ҳифзи ҳуқуқи  CҶГ оид ба кишварҳои ИДМ  RILO-Москваро дар таъмини амният ва суботи кишварҳои ИДМ, инчунин ҳамоҳангсозии  фаъолияти мақомоти гумруки давлатҳои ИДМ, хусусан дар самти  табодули иттилоот, мубориза бар зидди гардиши ғайриқонунӣ ва қочоқи маводи мухаддир ва воситаҳои психотропӣ, яроқ, асъор, арзишҳои фарҳангӣ, маҳсулоти қалбакӣ ва дигар ҳуқуқвайронкуниҳои гумрукӣ муҳим арзёбӣ намуд.

Дар ҷаласа фаъолияти RILO-Москва дар нуҳ моҳи соли равон, дурнамои рушди он, фаъолияти  кори шабакаҳои алоқаи миллии хадамоти гумрукии давлатҳои узви RILO-Москва дар 9 моҳи соли 2019 натиҷагирӣ гардида, қарорҳои марбута қабул карда шуданд.