Дар дуюмин Фестивали кинои Франсия дар Душанбе филмҳои бадеӣ, мазҳакавӣ ва аниматсионии муосир манзури тамошобинон мегарданд

Октябрь 24, 2019 14:04

ДУШАНБЕ, 24.10.2019 /АМИТ «Ховар»/. Аз 29 октябр  то 2  ноябр дар шаҳри  Душанбе дуюмин Фестивали кинои Франсия баргузор мегардад.

Тавре аз Муассисаи давлатии «Тоҷикфилм» ба АМИТ «Ховар» иттилоъ доданд, фестивали мазкур бо  дастгирии Сафорати Франсия  дар Тоҷикистон ва маркази фарҳангии «Бохтар» дар шаҳри Душанбе дар Муассисаи давлатии «Тоҷикфилм» баргузор гардида, дар он филмҳои франсавии бо забонҳои  тоҷикӣ ва русӣ тарҷумашуда намоиш дода мешаванд.

Фестивали кинои франсавӣ 29 октябр  бо нишон додани филми драмавӣ-мазҳакавии «Венсан- одам-амфибияи бе пулакча», ки дар бораи муҳаббати қаҳрамонони Франсия нақл мекунад, ифтитоҳ меёбад.

Дар назар аст, ки дар Фестивал киноҳои франсавӣ, ба монанди «Подшоҳ ва паранда» дар жанри аниматсионӣ, «Хоҷагидори хурд»-драмаи ҳозиразамон, инъикоскунандаи мушкилоти ҳаёти деҳот дар Франсия,  «Полина, ҳаёти худро ба рақс бахш» дар бораи қиссаи як балеринаи ҷавони рус, ки ҷаҳони рақси муосирро кашф мекунад ва «Барбара»- филми муаллифӣ дар бораи овозхони маъруфи франсавӣ намоиш дода шаванд.

Ёдовар мешавем, ки тамошои филмҳои бадеӣ, мазҳакавӣ ва аниматсионии муосири Франсия ҳар бегоҳ соати 5:30 оғоз ёфта, даромад ройгон аст.

Октябрь 24, 2019 14:04

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад