Дастаи мунтахаби ҷавонони Тоҷикистон ба Чемпионати Осиё-2020 роҳхат гирифт
ДУШАНБЕ, 07.10.2019 /АМИТ «Ховар»/. Шоми дирӯз дар Варзишгоҳи марказии шаҳри Душанбе бозии ниҳоии марҳилаи интихобии Чемпионати Осиё-2020 байни дастаҳои футболи мунтахаби ҷавонони то 19-солаи Тоҷикистон ва Сурия хеле ҷолиб баргузор гардид. Шогирдони Зайниддин Раҳимов дар даври ниҳоӣ бар дастаи мунтахаби ҷавонони Сурия бо ҳисоби 1:0 пирӯз шуданд. Голи ягонаро дар дақиқаи 23-юми дидор Шаҳром Самиев ба ҳадаф расонид. Мавзӯъро шореҳи варзиши АМИТ «Ховар» Меҳрони Қурбон шарҳ медиҳад.
Дастаи мунтахаби ҷавонони Тоҷикистон дар гурӯҳи «С» се ғалаба ба даст оварда, ба марҳилаи финалӣ роҳхат гирифт.
Хотиррасон менамоем, ки дастаи мунтахаби ҷавонони Тоҷикистон дар ду даври қаблӣ бар дастаҳои мунтахаби Малдив (9:0) ва Лубнон (1:0) ғалаба кард. Бо гирифтани 9 холи имконпазир футболбозони дастаи ҷавонони Тоҷикистон дар гурӯҳи «С» ҷои аввалро ишғол карда, ба марҳилаи финалии Чемпионати Осиё-2020, ки соли оянда дар Ҷумҳурии Ӯзбекистон баргузор мешавад, роҳхат гирифтанд. 14 дастаи иштирокчии дигари марҳилаи финалии Чемпионати Осиё-2020 10 ноябр, пас аз анҷоми марҳилаи интихобӣ дар 10 гурӯҳи боқимонда маълум мегарданд.
| Б | Ғ | М | Б | Т/Т | Х | ||
| 1 | ТОҶИКИСТОН | 3 | 3 | 0 | 0 | 11-0 | 9 |
| 2 | Лубнон | 3 | 1 | 1 | 1 | 3-2 | 4 |
| 3 | Сурия | 3 | 1 | 1 | 1 | 4-4 | 4 |
| 4 | Малдив | 3 | 0 | 0 | 3 | 2-14 | 0 |
Марҳилаи интихобии Чемпионати Осиё-2020 байни футболбозони то 19-сола
Гурӯҳи «С». Бозии даври 1-ум
Тоҷикистон– Малдив – 9:0
Голҳо: Шарифбек Раҳматов, 4 (1:0). Манучеҳр Сафаров, 9 (2:0). Шаҳром Самиев, 13 (3:0). Шаҳром Самиев, 21 (4:0). Ислом Зоиров, 36 (5:0). Ислом Зоиров, 42 (6:0). Шаҳром Самиев, 46 (7:0). Ибраҳим Дхаисам, 76 – (худгол) (8:0). Шарифбек Раҳматов, 88 (9:0).
Мусобиқаи интихобии Чемпионати Осиё-2020 миёни дастаҳои мунтахаби ҷавонони то 19-сола
Гурӯҳи «С»
Бозиҳои даври 1-ум
2 октябр (чоршанбе)
16:00. Сурия 1:1 Лубнон
19:00. Тоҷикистон 9:0 Малдив
Бозиҳои даври 2-юм
4 октябр (ҷумъа)
16:00. Малдив 2:3 Сурия
19:00. Лубнон 0:1 Тоҷикистон
Бозиҳои даври 3-ум
6 октябр (якшанбе)
16:00. Лубнон 2:0 Малдив
19:00. Тоҷикистон 1:0 Сурия
Роҳбарияти Федератсияи футболи Тоҷикистон дар Конгресси КФО дар Ванкувер иштирок намуд
DUSHANBE GRAND SLAM 2026: имрӯз қуръакашии мусобиқа баргузор мегардад
Дастпарварони Клуби марказии варзишии «Артиш» дар мусобиқаи байналмилалӣ соҳиби 11 медал шуданд
Варзишгарони навраси Ёвон дар Мусобиқаи байналмилалӣ оид ба футбол соҳиби ҷойҳои намоён шуданд
Дар Тоҷикистон Дави миллӣ ва марафони велосипедронӣ баргузор мегардад
ЧЕМПИОНАТИ ҶАҲОНИИ ГӮШТИН-2026. Загреб мизбони сабқатҳои тарзи озод ва юнонӣ-римӣ мешавад
Чемпионати ҷаҳон оид ба қаиқронӣ дар байдарка ва каноэ дар Познани Полша баргузор мешавад
Чемпионати ҷаҳон оид ба тенниси рӯйи миз дар Лондон баргузор мешавад
ҶОМИ ОСИЁ-2026. Дастаи мунтахаби наврасони Тоҷикистон барои анҷоми машқҳои дастҷамъӣ ба Дубай рафт
Ҳайати дастаи мунтахаби Тоҷикистон ба Мусобиқаи байналмилалии ҷудо «Dushanbe Grand Slam 2026» омодагӣ мебинад
Дар шаҳри Саняи Чин Бозиҳои 6-уми соҳилии Осиё оғоз гардиданд
Бахшида ба Рӯзи телевизион, радио ва кормандони соҳаи алоқа мусобиқаҳои варзишӣ оғоз шуданд
