Лоиҳаи «Тақвияти таҳсилоти касбӣ-техникӣ ва омӯзиш» дар шаҳри Хуҷанд амалӣ мегардад
ДУШАНБЕ, 03.10.2019 /АМИТ «Ховар»/. Аз 22 сентябр то 4 октябр дар шаҳри Хуҷанди вилояти Суғд дар мавзӯи «Методологияи таълим дар асоси салоҳият» барои омӯзгорон ва устоҳои таълими истеҳсолӣ тренинг-давраи омӯзишӣ гузаронида мешавад.
Тренинги мазкур дар доираи лоиҳаи «Тақвияти таҳсилоти касбӣ-техникӣ ва омӯзиш»- и Вазорати меҳнат, муҳоҷират ва шуғли аҳолии Ҷумҳурии Тоҷикистон сурат мегирад. Дар тренинг мутахассисон оид ба рушди методогияи таҳсилоти лоиҳа Мунира Иноятова, Сангин Бобоев, Ҳотамшо Пириев, Абдулмаҷид Бобохонов ва Олимҷон Насриддинов ба беш аз 180 нафар таҷриба меомӯзонанд.
Ҳадафи лоиҳа мустаҳкам намудани заминаҳои моддӣ-техникӣ, методӣ ва барқарорсозии инфрасохторҳои марказҳои таълими калонсолон ва литсейҳои касбии техникии Вазорати меҳнат, муҳоҷират ва шуғли аҳолии Ҷумҳурии Тоҷикистон ва ба ин восита омода намудани мутахассисони баландихтисоси ҷавобгӯ ба талаботи бозори меҳнат мебошад.
Дар ҷараёни тренинг иштирокчиён дар мавзӯъҳои «Сохтори стандарти салоҳияти ҳар як касби коргар», «Таҳлили функсионалии касбҳо ва таҳияи харитаи функсионалӣ» ва «Методологияи таҳияи стандарти салоҳияти касб» корҳои гурӯҳӣ анҷом доданд.
Раванди таҳияи барнома, маводи таълимӣ ва асбоби баҳодиҳӣ дар асоси стандартҳои салоҳияти тасдиқгардидаи 17 касби коргарӣ оғоз гардидаанд, ки барои омода кардани мутахассисони рақобатпазир ва ба талаботи бозори меҳнати муосир ҷавобгӯ мусоидат хоҳанд кард.
Лоиҳаи «Тақвияти таҳсилоти касбӣ-техникӣ ва омӯзиш» дар асоси созишномаҳо байни Ҷумҳурии Тоҷикистон ва Бонки Осиёии Рушд дар Тоҷикистон аз соли 2016 амалӣ мешавад.
Амалигардонии Лоиҳа ба дӯши Вазорати меҳнат, муҳоҷират ва шуғли аҳолии Ҷумҳурии Тоҷикистон гузошта шуда, дар назди вазорат Гурӯҳи идоракунии Лоиҳа фаъолият дорад.
Дар доираи лоиҳа инчунин барномаи омӯзишии инклюзивӣ дар асоси талаботи бозори меҳнат таҳия ва татбиқ мешавад, ки ба баҳогузории салоҳиятнокӣ ва гузаронидани шаҳодатномакунонии хатмкунандагони литсей ва марказҳои таълими калонсолон ва дигар шахсони муроҷиаткунанда, хусусан муҳоҷирони баргашта, ки малакаҳои амалиро тавассути таҷрибаи корӣ дар дохил ва ё хориҷи кишвар аз худ намудаанд, машғул мешавад. Ҳамзамон дар доираи барномаи намунавии баробарии гендерии лоиҳа омӯзиши духтарон ба касбҳои ғайрианъанавӣ пешбинӣ шудааст, ки дар панҷ литсейи интихобшуда гузаронида мешаванд.
Бар асари обхезӣ дар Танзания 155 нафар ба ҳалокат расид
Дар Донишкадаи исломии Тоҷикистон вобаста ба мубориза бар зидди ифротгароӣ ва хурофотпарастӣ конференсияи ҷумҳуриявӣ доир шуд
Дар Кӯлоб ҷаласаи Шурои ҳамоҳангсози мақомоти ҳифзи ҳуқуқ баргузор шуд
Дар фестивали Олмон зиёда аз 720 ҳолати сироятёбӣ ошкор гардид
Гурӯҳи кории Вилояти Мухтори Кӯҳистони Бадахшон дар Бартанг бо вазъи соҳаҳои гуногуни хоҷагии халқ шинос шуд
Фазои Либия ва Юнони ҷанубӣ бар асари ғубори биёбони Сахара ранги норанҷӣ гирифтааст
Мақомоти Чин барои минтақаҳое, ки аз селу обхезӣ зарар дидаанд, беш аз 15 миллион доллар ҷудо намуданд
Шукурҷон Зуҳуров Раиси Шурои собиқадорони ҷангу меҳнати Ҷумҳурии Тоҷикистон интихоб гардид
Имрӯз дар баъзе ноҳияҳои Тоҷикистон борони бошиддат меборад
Фаъолияти Кумитаи иҷроияи Ҳизби Халқии Демократии Тоҷикистон дар вилояти Хатлон ва сохторҳои ҳизбии он назаррас арзёбӣ гардид
Дар тамоми ноҳияҳои Тоҷикистон пойгоҳҳои базавии нави 4G насб карда мешаванд
Шумораи бар асари тӯфони «Раи» ҳалокшудагон дар Филиппин ба 169 нафар расид
