Маҳсулоти тавлидотии «Made in Tajikistan» ба бозорҳои Чин роҳ меёбад

Октябрь 1, 2019 15:02

ДУШАНБЕ, 01.10.2019/АМИТ «Ховар»/. Дар Пекин Намоишгоҳи байналмилалии «ЭКСПО-2019», ки 29 апрел ифтитоҳ шудааст, 7 октябр ба анҷом мерасад. Шиори павилони Ҷумҳурии Тоҷикистон «Боғдорӣ дар рушди деҳот» мебошад.

То моҳи сентябр аз гӯшаи Тоҷикистон дар намоишгоҳи байналмилалии «ЭКСПО-2019», ки дар Пекин идома дорад, 3 миллиону 200 ҳазор нафар боздид намудаанд. Дар хабаре, ки аз Палатаи  савдо ва саноати Ҷумҳурии Тоҷикистон ба АМИТ «Ховар» расидааст, гуфта мешавад, ки рӯзҳои корӣ то 25 ҳазор ва рӯзҳои истироҳат то 45 ҳазор меҳмон аз  гӯшаи Ҷумҳурии Тоҷикистон, ки  «Боғдорӣ дар рушди деҳот» ном дорад,  дидан мекунанд.

Мусаллам аст, ки Намоишгоҳи байналмилалии «ЭКСПО-2019» моҳи апрел таҳти унвони «Боғдорӣ дар рушди деҳот» ифтитоҳ гардида, то  7 октябр идома меёбад.

Мавриди зикр аст, ки дар Намоишгоҳи байналмилалии боғдории  «ЭКСПО -2019» маҳсулоти истеҳсоли ширкатҳои хусусии Тоҷикистон, назири «Интермед», «Абрикос ва компани», «Оро», «Исфара», «Баракати Исфара», «Исфарафуд», «Меваи Қанд», «Экофрути Исфара», «Аввалин», «Амирӣ», «Ширин», «Сиёма», «Оби Зулол», «Зода», «Субҳи Ватан», «Комбинати хӯроквории Бохтар», «Рухом», «Асрори Санг» ба намоиш гузошта шудаанд. Маҳсулоте, ки ширкатҳои мамлакат истеҳсол намуда, дар намоишгоҳ гузоштаанд,  меҳмононро на танҳо бо хусусиятҳои хоси миллӣ, балки бо таъми баланд ва сифати тозаи экологӣ ҷалб менамоянд.

директори генералии «Абрикос и компани»-и Ҷумҳурии Тоҷикистон Пӯлод Ашӯров мегӯяд, ки «дар «ЭКСПО-2019» дар Пекин мо имконият пайдо намудем, ки маҳсулоти худро дар сатҳи ҷаҳонӣ намоиш диҳем. Бо назардошти талаботи зиёд ба маҳсулотамон  мақомоти Чин ба мо иҷозат доданд як ширкати савдо ва истеҳсолӣ кушоем, ки он барои рушди  содироти меваи хушк аз Тоҷикистон ба Чин хеле муҳим аст. Дар Чин на ба ҳама хориҷиён иҷозати истеҳсол ва фурӯши озуқаворӣ дода мешавад, чунки  ин иҷозати махсуси мақомотро талаб мекунад».

Директори ширкати «Рухом» Муфарраҳ Муҳаббатов  гуфт, ки «бо шарофати иштирок дар Намоишгоҳи байналмилалии боғдории «ЭКСПО-2019» дар Пекин мо мушоҳида кардем, ки маҳсулоти ҳунармандии истеҳсоли Тоҷикистон  дар Чин талаботи зиёд доранд. Аз ин рӯ, ширкати мо тасмим гирифтааст намояндагии тиҷоратии ширкати худро  дар Чин боз намояд».

Октябрь 1, 2019 15:02

Хабарҳои дигари ин бахш

Ҳукумати Тоҷикистон азм дорад, ки ояндаи наздик талаботи аҳолиро бо неруи барқ пурра қонеъ созад
Пешвои миллат Эмомалӣ Раҳмон: «Тоҷикистон дар қатори даҳ кишвар мамлакати ҷолибтарин барои боздиди сайёҳон эътироф гардидааст»
Дар Тоҷикистон Барномаи нави давлатии рушди соҳаи геология таҳия мешавад
Дар Тоҷикистон Агентии инноватсия ва технологияҳои рақамии назди Президент таъсис дода мешавад
Парандагонро аз сардиҳои зимистон ҳифз менамоем
Дар Турсунзода корхонаи коркарди партовҳои полиэтиленӣ ба фаъолият оғоз намуд
Таҳти раёсати Давлаталӣ Саид ҷаласаи Шӯрои нозирон оид ба масъалаҳои минтақаҳои озоди иқтисодӣ баргузор гардид
ТАВСИЯИ МУТАХАССИС. Муҳофизати дарахтон бояд бо усулҳои механикӣ, агротехникӣ, биологӣ ва кимиёвӣ ба роҳ монда шавад
Вазорати сохтмони Россия механизми вуруди муҳоҷирон аз Тоҷикистон, дигар кишварҳои ИДМ ва Туркияро таҳия намуд
Дар ноҳияи Бобоҷон Ғафуров корхонаи коркарди ғалла бунёд мегардад
Вазорати рушди иқтисод ва савдо Озмуни ҷумҳуриявии «Бренди миллии Тоҷикистон»-ро эълон намуд
Лоиҳаи Барномаи рушди сайёҳӣ барои солҳои 2021-2025 дар Душанбе муаррифӣ гардид