Роҳбарони корхонаву муассисаҳо ба он ҷавононе, ки дар сафи Қувваҳои Мусаллаҳ хизмат намудаанд, эътимоди бештар доранд

Октябрь 2, 2019 16:40

ХОРУҒ, 02.10.2019. /АМИТ «Ховар»/. Се ноҳияи Вилояти Мухтори Кӯҳистони  Бадахшон маъракаи даъвати тирамоҳиро ба анҷом расониданд.

Сардори шуъбаи сафарбаркунии комиссариати ҳарбии вилоят Орифхон Раҳмондодов  гуфт, ки ду соли охир ҷавонони баору номуси вилоят сари вақт ва  довталабона дар назди комиссариатҳои ҳарбии шаҳру ноҳияҳо ҳозир шуда, баъди ташхиси тиббӣ ба хизмати Модар-Ватан раҳсипор мегарданд. Дар рӯзи аввали сафарбаркунӣ 100 фоизи даъватшавандагон аз ноҳияҳои Шуғнон, Дарвоз, Ишкошим, Мурғоб ҳамроҳ бо наздикону дӯстон дар назди комиссариати ҳарбии вилоят ҷамъ шуданд. Ташхиси ҳаматарафаи тиббӣ нишон дод, ки ин наваскарон  барои хизмати аскарӣ  омода мебошанд.

«Солҳои охир дар байни даъватшавандагон хатмкунандагони муассисаҳои олии мамлакат низ зиёд ба назар мерасанд. Ба гуфтаи ин ҷавонписарон,  аввал ин ки хизмати ҳарбӣ қарзии фарзандии ҳар як соҳибватан аст, дуюм, он мактаби далерию мардонагӣ ба шумор меравад ва саввум, баъди хизмати аскарӣ метавонӣ дар дилхоҳ идораву муассисаи давлатӣ  фаъолият намоӣ. Зеро роҳбарони корхонаву муассисаҳо ба он ҷавононе, ки дар сафи Қувваҳои Мусаллаҳи Ҷумҳурии Тоҷикистон хизмат намудаанд, боварию эътимоди бештар доранд. Танҳо аз ноҳияи Дарвоз 11 нафар даъватшавандагон хатмкунандагони муассисаҳои олии мамлакат  мебошанд», илова намуд О. Раҳмондодов.

Як нафар даъватшаванда аз ноҳияи Дарвоз Идибек Неъматов гуфт, ки “ҳифзи марзу буми Ватан барои мо, ҷавонон мояи ифтихор аст. Маҳз ҳангоми хизмати ҳарбӣ ба умқи калимаҳое, мисли  дӯстию бародарӣ, ҷасурию мардонагӣ, кумаку  ёрии воқеӣ  сарфаҳм меравӣ”.

Маросими гусели даъватшавандагон  дар майдони ба номи Исмоили Сомонии шаҳри Хоруғ бо ширкати масъулини мақомоти давлатӣ, волидон, сокинони шаҳр ва ҳунармандони шуъбаи фарҳанги вилоят баргузор гардид.

Октябрь 2, 2019 16:40

Хабарҳои дигари ин бахш

ИМРӮЗ-РӮЗИ АДВОКАТҲО. Асоси ислоҳоти ниҳоди адвокатураи Тоҷикистонро Паёми Президенти Тоҷикистон ба Маҷлиси Олӣ ташкил медиҳад
«МАКТАБИ СИЁСИИ ПЕШВОИ МИЛЛАТ». Дар Кӯлоб Конференсияи IV байналмилалии илмӣ-назариявӣ баргузор гардид
Кумакҳои Пешвои миллат ба зарардидагони офати табиӣ дар ноҳияҳои Нуробод ва Рашт расиданд
Дар Душанбе бо иштироки беш аз 10 ҳазор ҷавони гуногункасб Рӯзи ҷавонони Тоҷикистон бошукуҳ таҷлил шуд
Дар Озарбойҷон оид ба масъалаҳои оила, занон ва кӯдакон дар самти баробарии гендерӣ Ёддошти тафоҳум оид ба ҳамкорӣ ба имзо расид
23 МАЙ — РӮЗИ ҶАВОНОНИ ТОҶИКИСТОН. Дар Бадахшон ҷаласаи Шурои кор бо ҷавонон доир шуд
Бахшида ба Рӯзи ҷавонони Тоҷикистон ҳамоиши занону духтарони шаҳри Душанбе баргузор гардид
ОГОҲӢ. Дар Тоҷикистон 24-25 май боронҳои пуршиддат, сел, жола ва раъду барқ дар назар аст
«ШАРОРАИ ҶАВОНӢ». Бахшида ба Рӯзи ҷавонони Тоҷикистон барномаи фарҳангӣ-фароғатӣ баргузор мегардад
СОЛИ МАЪРИФАТИ ҲУҚУҚӢ. Оид ба нақшии калидии ташаккули маърифати ҳуқуқии шаҳрвандон дар давлати ҳуқуқбунёд ҳамоиш доир гардид
БА ТАЪСИСИ РӮЗИ ҶАВОНОНИ ТОҶИКИСТОН 27 СОЛ ПУР ШУД. Назарпурсӣ оид ба фаъолияти ҷавонон дар ҷавоб ба дастгириҳои Президенти Тоҷикистон ва Ҳукумати мамлакат
Президенти Тоҷикистон Эмомалӣ Раҳмон: «Ҷавонон умеду ояндаи давлат ва халқи Тоҷикистон мебошанд»