Соҳибкори бурунмарзӣ дар Хуҷанд корхонаи истеҳсоли сабзии хушк бунёд менамояд
ДУШАНБЕ, 16.10.2019 /АМИТ «Ховар»/. Бо ташаббуси cоҳибкори бурунмарзӣ Мақсудҷон Абдуҷалилов дар шаҳри Хуҷанд корхонаи нави «Хуҷандагро» ба истифода дода мешавад, ки ба коркарди сабзӣ нигаронида шудааст.
Ба иттилои Хадамоти матбуоти Раиси вилояти Суғд, тибқи лоиҳа корхона метавонад дар як шабонарӯз то 50 тонна сабзиро коркард карда, аз 3 то 5 тонна сабзии хушк истеҳсол ва онро ба Россия содир намояд.
Бояд таъкид кард, ки Раиси вилояти Суғд Раҷаббой Аҳмадзода 21 сентябр дар шаҳри Москваи Федератсияи Россия бо соҳибкорони тоҷики муқими ин кишвар мулоқот карда, аз соҳибкорони бурунмарзӣ даъват карда буд, ки бо истифода аз имкониятҳои мавҷуда барои рушди соҳаҳои гуногуни Тоҷикистон саҳмгузорӣ намоянд. Соҳибкори бурунмарзӣ Мақсудҷон Абдуҷалилов пас аз иштирок дар ҳамоиши соҳибкорон тасмим гирифт, ки дар якҷоягӣ бо ҳамтоёни руси худ дар шаҳри Хуҷанд корхонаи нав бунёд созад.
Бо ин мақсад 15 октябр Раиси вилояти Суғд Раҷаббой Аҳмадзода соҳибкори бурунмарзӣ Мақсудҷон Абдуҷалилов ва ҳамтои русаш Сергей Макаренкоро ба ҳузур пазируфт.
Тавре зимни суҳбат иттилоъ дода шуд, барои бунёди корхона аллакай корҳои назаррас ба сомон расонида шудаанд. Ҷонибҳо пас аз баррасии масъалаҳои мавриди таваҷҷуҳ бо ҷараёни бунёди корхонаи «Хуҷандагро» шинос гардиданд.
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Дар Душанбе масъалаи таъминоти сӯзишворӣ дар бозори истеъмолӣ ва танзими нархи он баррасӣ шуд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Лоиҳаи пеш аз асосноккунии техникӣ-иқтисодии сохтмони метро дар шаҳри Душанбе ҷамъбаст гардид
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
