СУС дурнамои афзоиши савдоро коҳиш додааст

ДУШАНБЕ, 02.10.2019. /АМИТ «Ховар»/. Ихтилофи шиддатёбандаи байни кишварҳо дар соҳаи тиҷорат ва паст шудани иқтисодиёти ҷаҳонӣ ба он оварда расонд, ки Созмони Умумиҷаҳонии Савдо (СУС) дурнамои афзоиши савдоро барои солҳои 2019 ва 2020 коҳиш додааст. Тавре Арменпресс бо истинод ба ТАСС хабар медиҳад, ин изҳорот дар баёнияи матбуоти Созмони умумиҷаҳонии савдо, ки рӯзи сешанбе дар Женева интишор шудааст, оварда шудааст.

«Авҷгириии бошиддат дар савдо ва суст шудани иқтисоди ҷаҳонӣ иқтисоддонҳои СУС-ро маҷбур кардааст, ки пешгӯиҳои рушди тиҷоратро барои солҳои 2019 ва 2020 якбора паст кунанд», — омадааст дар гузориш.

Гарчанде, ки моҳи апрел дурнамо 2,6% — ро ташкил медод, дар айни замон, афзоиши савдои молҳо дар соли 2019 ба 1,2% мерасад. Дар соли 2020, дар СУС афзоиши 2,7% дар назар аст, дар ҳоле ки афзоиши он моҳи апрел ба 3% пешбинӣ шуда буд.

Иқтисоддонҳои СУС зикр мекунанд, ки хатари коҳиши минбаъдаи суръати афзоиши савдо дар сатҳи «баланд боқӣ мемонад» ва пешгӯиҳо барои соли 2020 «аз бозгашт ба муносибатҳои мӯътадили тиҷорат» дар ҷаҳон вобаста аст.