Таҳти раёсати Тоҷикистон ҷаласаи Созмони ҳамкории иқтисодӣ баргузор гардид

Октябрь 31, 2019 10:40

ДУШАНБЕ, 31.10.2019 /АМИТ «Ховар»/. 28 октябр дар Теҳрон ҷаласаи навбатии Шӯрои Намояндагони доимии кишварҳои узви Созмони ҳамкории иқтисодӣ (СҲИ) таҳти раёсати Намояндаи доимии Ҷумҳурии Тоҷикистон дар СҲИ Низомиддин Зоҳидӣ баргузор гардид.

Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, дар он масъалаҳои омодагӣ ба баргузории ҷаласаи 24-уми Шӯрои вазирони корҳои хориҷии СҲИ дар таърихи 8-9 ноябр дар шаҳри Анталияи Туркия мавриди баррасӣ қарор гирифтанд. Шӯрои Намояндагони доимӣ рӯзномаи ҷаласаи Шӯрои Вазирон, лоиҳаи Баёнияи Анталия ва асноди дигари марбутаро муҳокима намуда, доир ба онҳо қарорҳои дахлдор қабул намуд.

Бо дарназардошти ба анҷом расидани раёсати даврии Тоҷикистон дар Шӯрои намояндагони доимӣ ва Шӯрои Вазирони корҳои хориҷии СҲИ, Дабири кулли ин созмон Ҳодии Сулаймонпур дар ҷаласа суханронӣ намуда, таассуроти самимиашро аз мулоқот бо Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон (21 августи соли ҷорӣ) ва  иштирокаш дар  ҷаласаи вазирони  туризми кишварҳои СҲИ (3-4 октябри соли ҷорӣ, Хуҷанд) дар Тоҷикистон  баён намуд ва ба кишвари мо ва Сарвари он барои саҳми муассирашон дар пешбурди фаъолиятҳои Созмони ҳамкории исломӣ ва тақвияти равобит дар фазои Созмони мазкур изҳори сипос намуд.

АКС: ВКХ ҶТ

Октябрь 31, 2019 10:40

Хабарҳои дигари ин бахш

Намояндаи Тоҷикистон дар чорабинии сатҳи баланди Маҷмаи Умумии СММ оид ба нақлиёти устувор иштирок намуд
Президенти Ҷумҳурии Узбекистон бо Сарвазири Ҷумҳурии Тоҷикистон мулоқот намуд
Тоҷикистон бо Маркази байналмилалии савдо рақамикунонии соҳаҳои иқтисодӣ ва инноватсияро баррасӣ намуд
Ҳайати Тоҷикистон дар ҷаласаи ҳаштуми вазирони маорифи давлатҳои аъзои Созмони ҳамкории Шанхай иштирок намуд
Президенти Тоҷикистон: «Аҳднома оид ба ҳампаймонӣ муносибатҳои Тоҷикистону Узбекистонро ба сатҳи сифатан нав мебарорад»
Донишҷӯёни тоҷике, ки дар Русия таҳсил доранд, даъват шуданд, ки илм омӯзанд
Президенти Ҷумҳурии Узбекистон Шавкат Мирзиёев дар пояи муҷассамаи Исмоили Сомонӣ гулчанбар гузошт
Намояндаи Тоҷикистон дар машваратҳои ғайрирасмӣ дар сатҳи сафирон оид ба Саммити Оянда иштирок намуд
Давлатшоҳ Гулмаҳмадзода дар ҳамоиш бахшида ба раёсати Қазоқистон дар Созмони Ҳамкории Шанхай иштирок намуд
Ҷавонон дар сиёсати пешгирифтаи Ҳукумати Тоҷикистон ҷойгоҳи афзалиятнок доранд
Дар Ашқобод ҳамкории Тоҷикистон бо Маркази минтақавии СММ оид ба дипломатияи пешгирикунанда баррасӣ шуд
Дар Женева тақвияти ҳамкории Тоҷикистон бо Маркази байналмилалии савдо баррасӣ гардид