Вазири фарҳанги Тоҷикистон бо муовини Дабири кулли Шӯрои миллии фарҳанг, адабиёт ва санъати Кувайт Бадр ал-Дувайшӣ мулоқот намуд

Октябрь 15, 2019 15:02

ДУШАНБЕ, 15.10.2019. /АМИТ  «Ховар»/.  15 октябр дар Китобхонаи миллии Тоҷикистон Вазири фарҳангии Ҷумҳурии Тоҷикистон Шамсиддин Орумбекзода бо муовини Дабири кулли Шӯрои миллии фарҳанг, адабиёт ва санъати Давлати Кувайт Бадр ал-Дувайшӣ мулоқот намуд.

Мулоқоти ҳайати расмии ду давлат дар якҷоягӣ баргузор шуда, сипас бо иштироки доираи васеи рӯзноманигорон суҳбати «мизи муддавар» доир гардид.

Дар оғози ҳамоиш Вазири фарҳанги Ҷумҳурии Тоҷикистон Шамсиддин Орумбекзода иброз намуд, ки «ин Рӯзҳои фарҳангии  нахустини дӯстони кувайтӣ дар  Тоҷикистон аст ва он рӯйдоди  таърихӣ маҳсуб мешавад. Бинобар ин имрӯз мо бо роҳбари ҳайати Кувайт доктор Бадр ал-Дувайшӣ мулоқоти дуҷониба  анҷом додем».

Мавсуф иброз намуд, ки «воқеан, мо бо мардуми араб муштаракоти зиёд дорем, аз ин рӯ доир ба соҳаи фарҳанг, маърифат, маънавиёт ва ҷанбаҳои гуногун суҳбат оростем. Тавре медонем, созишномаҳо дар соҳаҳои гуногун, аз ҷумла соҳаи фарҳанг рӯйи кор омадаанд. Аз ин рӯ теъдоди зиёди ҳунармандони мо- намояндагони соҳаи фарҳанг ба Кувайт сафар анҷом додаанд. Тамоми ҳамкории мо аз муносибатҳои неки роҳбарони ду давлат сарчашма мегиранд. Мо имрӯз ба хулосае омадем, ки минбаъд на танҳо дар Рӯзҳои фарҳангӣ, балки дар доираи барномаҳои гуногуни ҳар ду давлат фаъолона ширкат варзем».

Дар тақвияти суханҳои Вазири фарҳанги Ҷумҳурии Тоҷикистон муовини Дабири кулли Шӯрои миллии фарҳанг, адабиёт ва санъати Давлати Кувайт Бадр ал-Дувайшӣ  иброз намуд, ки «баргузории Рӯзҳои фарҳангӣ яке аз омилҳои асосии густариши ҳаркории  ду давлат хоҳад буд. Мутмаинем, ки ин Рӯзҳои фарҳангӣ дар сатҳи шоиста баргузор хоҳанд гардид. Ин  Рӯзҳои фарҳангӣ ба хотири 25-умин солгарди ҳамкории дипломатии ду давлат ва 25-солагии Конститутсияи Ҷумҳурии Тоҷикистон баргузор мегарданд. Мо кӯшиш мекунем, ки дар ин рӯзҳо фарҳанги аслии Кувайтро ба мардуми тоҷик муаррифӣ намоем».

Дар кори ҳамоиш рӯзноманигорон ба саволҳои хеш доир ба баргузорӣ ва аҳамияти Рӯзҳои фарҳангӣ ҷавобҳои мушаххас гирифтанд.

Баъд аз баргузории ҳамоиш ҳайати расмӣ аз Китобхонаи миллии Тоҷикистон боздид ба амал овард.

Зикр намуд, ки  намоиши мусавварҳои рассомони кувайтӣ, акс доир ба таърихи муносибатҳои дипломатии байни Ҷумҳурии Тоҷикистон ва Давлати Кувайт дар театри давлатии академии опера ива балети ба номи Садриддин Айнӣ баргузор мегардад.

Ҳамчунин Ифтитоҳои расмии Рӯзҳои фарҳанги Давлати Кувайт бо намоиши филми 10 дақиқаи мустанад оиди муносибати тарафайн ва консерти муштараки ҳунармандони тоҷику кувайтӣдоир мегардад Ёдовар мешавем, ки намоишгоҳ аз соати 16 00 оғоз мегардад.

Октябрь 15, 2019 15:02

Хабарҳои дигари ин бахш

Дар Москва ба муносибати 25-солагии таъсиси Ташкилоти заминавии кор бо забонҳо ва фарҳангҳои кишварҳои ИДМ чорабинӣ баргузор гардид
Дар шаҳри Гулистон Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз ёфт
Дар вилояти Хатлон Фестивали ҷумҳуриявии «Ҳафтаи китоби кӯдакону наврасон» оғоз гардид
Имрӯз дар Тоҷикистон Рӯзи байналмилалии китоб таҷлил мегардад
Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мегардад
Масъалаи баргузории Рӯзҳои фарҳанги Ҷумҳурии Тоҷикистон дар Ҷумҳурии Қирғизистон баррасӣ шуд
Аъҷубасозӣ як бахши ҳунари кулолӣ ва сохтани бозичаҳо аз гилу сафол мебошад
Дар вилояти Суғд бо иштироки меҳмонон аз Узбекистон ва Қирғизистон ҳамоиши фарҳангӣ баргузор гардид
МУЖДАИ НАВРӮЗӢ. «Ёддоштҳо»-и устод Айнӣ барои ҳамзабонони эронӣ ба нашр расид
Бахшида ба Соли фарҳанги китобхонӣ дар вилояти Хатлон китоби «Наврӯзномаи Хатлон» ба табъ расид
Ҳунари балети Тоҷикистон дар Париж муаррифӣ мегардад
Дабири кулли Созмони ҳамкории иқтисодӣ дар Осорхонаи миллӣ намоиши анъанавии «Аз Наврӯз то Наврӯз»-ро тамошо намуд