Вазири фарҳанги Тоҷикистон бо роҳбари Намояндагии Иттиҳоди Аврупо мулоқот намуд
ДУШАНБЕ, 25.10.2019 /АМИТ «Ховар»/. 25 октябр Вазири фарҳанги Ҷумҳурии Тоҷикистон Шамсиддин Орумбекзода бо роҳбари Намояндагии Иттиҳоди Аврупо дар Ҷумҳурии Тоҷикистон хонум Мерилин Йосефсон ҷиҳати баррасии лоиҳаҳои муштарак мулоқот намуд.
Дар ин бора аз Вазорати фарҳанги Ҷумҳурии Тоҷикистон иттилоъ доданд. Зимни мулоқот ҷонибҳо маҷмӯи масъалаҳои ҳамкории дуҷониба байни Ҷумҳурии Тоҷикистон ва Иттиҳоди Аврупо дар соҳаи фарҳанг ва аз ҷониби Пешвои муаззами миллат, Асосгузори сулҳу ваҳдати миллӣ, Президенти Ҷумҳурии Тоҷикистон муҳтарам Эмомалӣ Раҳмон Солҳои рушди деҳот, сайёҳӣ ва ҳунарҳои мардумӣ эълон гардидани солҳои 2019-2021 дар мамлакатро иқдоми саривақтӣ шумориданд. Ҳамчунин густариши бештари муносибатҳои дуҷонибаро дар соҳаҳои фарҳанг мавриди эътимоди тарафайн таъкид доштанд.
Ҷонибҳо масъалаи моҳи декабри соли равон баргузор намудани Ҳафтаи фарҳангии Иттиҳоди Аврупо дар Тоҷикистонро баррасӣ карданд.
Роҳбари Намояндагӣ Мерилин Йосефсон аз Вазири фарҳанги мамлакат баҳри иштирок дар Ҷашни байналмилалии Наврӯз-2020, ки дар шаҳри Брюссели Ҷумҳурии Белгия дар назар аст, самимона даъват ба амал овард.
Ин мулоқот дар фазои хушу хотирмон сурат гирифта, чун рамзи дӯстӣ ба якдигар туҳфаҳо тақдим намуданд.
ДАР АКС: Вазири фарҳанги Ҷумҳурии Тоҷикистон Шамсиддин Орумбекзода ва роҳбари Намояндагии Иттиҳоди Аврупо дар Ҷумҳурии Тоҷикистон Мерилин Йосефсон.
Даври ҷамъбастии Озмуни ҷумҳуриявии «Тоҷикистон—Ватани азизи ман» доир мегардад
Таҳкими ҳамкорӣ байни Осорхонаи миллии Тоҷикистон бо Шурои Британия дар Душанбе баррасӣ гардид
Иштирокдорони Бозиҳои ХХ Делфии ҷавонони ИДМ аз Осорхонаи миллии Тоҷикистон боздид намуданд
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг доир мегардад
Ҷаласаи Шурои ҳукуматӣ оид ба рушди кинематографияи миллӣ доир шуд
Дар Тоҷикистон Бозиҳои 20-уми Делфии ҷавонони кишварҳои аъзои ИДМ идома доранд
Фарҳанги пурғановати Тоҷикистон дар Туркманистон муаррифӣ мегардад
Имрӯз даври сеюми Озмуни ҷумҳуриявии «Фурӯғи субҳи доноӣ китоб аст» оғоз мегардад
Доир ба дастгирии истеъдодҳои ҷавон дар ИДМ конференсияи байналмилалӣ баргузор шуд
Дар Душанбе Бозиҳои 20-уми Делфии ҷавонони кишварҳои аъзои ИДМ оғоз мегардад
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
