Вазири корҳои хориҷии Чин Ван И аз гӯшаи Ҷумҳурии Тоҷикистон боздид намуд

Октябрь 28, 2019 14:26

ДУШАНБЕ, 28.10.2019 /АМИТ «Ховар»/. 27 октябр узви Шӯрои давлатӣ, Вазири корҳои хориҷии Чин Ван И аз Гӯшаи Тоҷикистон, ки бо ибтикори Сафорат дар чорабинии навбатии анъанавии башардӯстона бо номи «Муҳаббат сарҳадҳоро намешиносад» дар шаҳри Пекин таъсис шуда буд, дидан намуд.

Дар ин бора АМИТ «Ховар» бо истинод ба Сафорати Тоҷикистон дар Чин хабар медиҳад.

Вазири корҳои хориҷии Чин Ван И ҳангоми суҳбати кӯтоҳ бо Сафир Парвиз Давлатзода аз меваҷоти шаҳдбори Тоҷикистон, бахусус лимӯ ёдовар шуд.

Мавриди зикр аст, ки дар гӯшаи Тоҷикистон дар баробари хӯроку шириниҳои миллии тоҷикӣ, асбоби мусиқӣ, зардӯзию либосҳои миллии тоҷикӣ, китобҳо дар бораи таърих ва фарҳанги тоҷикон ва роҷеъ ба фаъолияти густурдаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маводи зиёди сайёҳӣ ҷиҳати муаррифии фарҳангу тамаддуни миллати тоҷик ва табиати беназири мамлакат гузошта шуда буд.

Маблағҳои зимни  намоишгоҳ ҷамъовардаи беш аз 90 сафоратхона ва ташкилотҳои байналмилалӣ,  зиёда аз 50 ширкати чинӣ ва хориҷӣ ба оилаҳои камбизоат ва ободонии деҳоти музофоти Чин ирсол хоҳанд шуд.

 

АКС: Сафорати Тоҷикистон дар Чин

Октябрь 28, 2019 14:26

Хабарҳои дигари ин бахш

Раванди татбиқи Консепсияи раёсати Тоҷикистон дар Иттиҳоди Давлатҳои Мустақил баррасӣ шуд
Дурнамои густариши робитаҳо байни Тоҷикистон ва Белгия баррасӣ гардид
Густариши ҳамкории Тоҷикистон ва Беларус дар соҳаи сохтмон ва меъморӣ баррасӣ шуд
Дурнамои рушди муносибатҳои Тоҷикистон ва Эрон баррасӣ шуд
Вазири корҳои хориҷии Ҷумҳурии Исломии Эрон бо сафари расмӣ ба Ҷумҳурии Тоҷикистон ташриф меорад
Густариши ҳамкории Тоҷикистон ва Ангола дар соҳаҳои мухталиф баррасӣ шуд
Густариши ҳамкории Тоҷикистон бо Бонки исломии рушд баррасӣ шуд
Сафари давлатии Президенти Муғулистон дар Ҷумҳурии Тоҷикистон анҷом ёфт
Қатъномаи таърихии Тоҷикистон оид ба зеҳни сунъӣ дар Маҷмаи Умумии СММ қабул гардид
Сарвазири Тоҷикистон Қоҳир Расулзода дар Конфронси байналмилалии экологӣ иштирок намуд
Байни вазоратҳои корҳои хориҷии Тоҷикистону Муғулистон Ёддошти тафоҳум оид ба ҳамкорӣ ба имзо расид
Президенти Муғулистон Ухнаагийн Хурэлсух дар пояи муҷассамаи Исмоили Сомонӣ гулчанбар гузошт