Ҳайати Рӯзҳои фарҳанги Ҷумҳурии Ӯзбекистон аз ноҳияи Данғара дидан намуд
ДУШАНБЕ, 14.11.2019 /АМИТ «Ховар»/. 13 ноябр ҳайати Рӯзҳои фарҳангии Ҷумҳурии Ӯзбекистон ва Сафири Ӯзбекистон дар Ҷумҳурии Тоҷикистон Эргаш Шоисматов ба ноҳияи Данғараи вилояти Хатлон сафар намуданд.
Тавре аз маркази матбуоти Мақомоти иҷроияи ҳокимияти давлатии вилояти Хатлон ба АМИТ «Ховар» иттилоъ доданд, меҳмононро дар даромадгоҳи ноҳия дар сатҳи баланд пешвоз гирифтанд.
Меҳмонон аз Осорхонаи Асосгузори сулҳу ваҳдати миллӣ -Пешвои миллат муҳтарам Эмомалӣ Раҳмон, намоишгоҳи ҳунарҳои мардумӣ ва Донишгоҳи давлатии Данғара дидан намуданд.
Аъзои ҳайати фарҳангӣ иброз намуданд, ки «мо як халқ ҳастем, ки бо ду забон сухан мегӯем. Мо ҳамдигарро бидуни тарҷума мефаҳмем. Мо урфу одат, санъату ҳунари ягона дорем. Мо хушбахт аз онем, ки таҳти сиёсати хирадмандонаи сарони ду давлат роҳҳои нав ба нави ҳамкорӣ боз шуда, муносибатҳо торафт зичтар ва судмандтар мешаванд».
Ба қавли меҳмонон, баргузории Рӯзҳои фарҳангӣ боз як қадами мустаҳкаме барои таҳкими риштаҳои дӯстӣ ва ҳамкории фарҳангӣ мебошад.
Сипас дар толори Қасри фарҳанги шаҳр барномаи консертии ҳунарпешаҳои ӯзбек баргузор гардид.
Барномаи консертии ҷолиб, ки дар он ҳунарпешаҳои халқии Ӯзбекистон Шералӣ Ҷӯраев, Ғуломҷон Ёқубов, Маҳмуд Намозов, ансамбли «Мақом» ва ансамбли рақсии «Тошкент зеболари» ҳунарнамоӣ намуданд, аз ҷониби тамошобинон хеле хуш пазируфта шуд.
Осорхонаи миллӣ дар Тоҷикобод намоиши сайёри осорхонавӣ ташкил намуд
БАРНОМАИ РУШДИ КИТОБХОНАҲОИ ДЕҲОТ. Он барои такмили фаъолияти китобхонаҳо ва беҳтар шудани хизматрасонии китобдорӣ замина фароҳам меорад
Дар Душанбе Рӯзҳои фарҳанги шаҳрҳои Гулистон, Бӯстон, Истиқлол ва ноҳияҳои Вахш, Восеъ ва Ашт доир мегардад
Дар Осорхонаи миллии Тоҷикистон маҳфили «Шоҳномахонӣ» баргузор гардид
Дар Китобхонаи миллии Тоҷикистон дар мавзуи «Дастнависҳо – мероси фарҳангии миллат» ҳамоиши илмӣ-маърифатӣ доир шуд
Раиси Кумитаи миллӣ оид ба ҳуқуқи инсони Давлати Қатар дар Осорхонаи миллӣ бо тамаддуни тоҷикон шинос гардид
Дар Тоҷикистон «Барномаи рушди китобхонаҳои деҳот барои солҳои 2027–2031» амалӣ мешавад
Дар Осорхонаи миллӣ бахшида ба Даҳсолаи байналмилалӣ оид ба таҳкими сулҳ барои наслҳои оянда ҳамоиш баргузор гардид
Дар Театри таҷрибавии тамошобини ҷавон намоишномаи «Бобоҷон Ғафуров» нахустин маротиба пешниҳод гардид
Намояндаи Тоҷикистон дар Фестивал-озмуни байналмилалии «Viva Astana» сазовори «Шоҳҷоиза» гардид
Аз 9 то 30 июн экспедитсияи муштараки бостоншиносии Тоҷикистон ва Фаронса гузаронида шуд
Адрасбоф Гулбону Наврӯзова: «Ҳадафи мо эҳёи ҳунарҳои миллӣ ва бо ҷойи кор таъмин намудани занону духтарон аст»
