Ҳамоиши гирандагони стипендияҳои президентӣ ба Рӯзи Президенти Ҷумҳурии Тоҷикистон бахшида шуд
ДУШАНБЕ, 15.11.2019 /АМИТ «Ховар»/. Бахшида ба Рӯзи Президенти Ҷумҳурии Тоҷикистон имрӯз дар Осорхонаи миллии Тоҷикистон ҳамоиши гирандагони стипендияҳои президентӣ доир шуд. Дар он гирандагони стипендияи президентӣ аз тамоми гӯшаю канори ҷумҳурӣ иштирок намуданд.
Дар оғози ҳамоиш Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода ҳамагонро бо Рӯзи Президенти Ҷумҳурии Тоҷикистон табрик намуда, иброз дошт, ки таҷлили ин рӯз барои ҳар як ҷавон аҳамияти махсус дорад. Зеро чор сол қабл маҳз ҷавонони мамлакат дар гӯшаю канори ҷумҳурӣ ҳамоишҳо доир намуда, ба Ҳукумати ҷумҳурӣ муроҷиат намуданд, ки яке аз рӯзҳо ҳамчун «Рӯзи Президенти Ҷумҳурии Тоҷикистон» таҷлил карда шавад.
Бино ба гуфтаи Аҳтам Абдуллозода, стипендияи Президенти Ҷумҳурии Тоҷикистон соли 1997 таъсис дода шуда, он намунаи олии таваҷҷуҳи Пешвои миллат нисбат ба насли ҷавони мамлакат мебошад.
«Сазовор гардидан ба номи гирандаи стипендияи президентӣ барои ҳар наврас ва ҷавон боиси ифтихор буда, он имкон медиҳад, ки хонандагон ҳарчи беҳтару бештар ба илмомӯзӣ машғул шаванд ва дар корҳои сиёсиву ҷамъиятӣ иштирок намуда, саҳми худро гузоранд. Стипендияи Президенти Ҷумҳурии Тоҷикистон барои ҳудуди 400 нафар наврасону ҷавонон дар як сол эълон карда мешавад ва он дастгирии Пешвои миллат нисбат ба ҷавонон мебошад. Аз ин рӯ гирандагони стипендияи президентиро зарур аст, ки дар баробари таҳсили хубу аъло дар тамоми самтҳои татбиқи сиёсати давлатӣ масъулияти зиёд дошта бошанд. Зеро Кумитаи кор бо ҷавонон ва варзиш ҳамеша бо такя ба қувваи худи ҷавонон фаъолияташро пеш мебарад ва ин насли ҷавонро мебояд бо Кумита ҳамкории зич дошта бошад. Бояд шумо дар шароити имрӯзаи ҷаҳонишавӣ хотираи неки миллатро гиромӣ дошта, аз нигоҳи одобу ахлоқ, донишу заковат, худшиносиву ҷаҳонбинӣ ба талаботи замони муосир ҷавобгӯй бошед»,- гуфт Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон.
Сипас, Аҳтам Абдуллозода ба гирандагони стипендияи президентӣ шаҳодатнома ва маблағҳои пулӣ тақдим намуд.
Дар охир муроҷиатномаи гирандагони стипендияи президентӣ ба Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қабул гардид.
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
