Дар Бонки миллӣ ба муносибати 25-солагии Конститутсия ҷамъомади тантанавӣ сурат пазируфт

Ноябрь 5, 2019 16:35

ДУШАНБЕ, 05.11.2019. /АМИТ «Ховар»/. Имрӯз дар Бонки миллии Тоҷикистон ба ифтихори 25-умин солгарди Конститутсияи Ҷумҳурии Тоҷикистон маҷлиси тантанавӣ доир гардид. Сардори Идораи кормандони Бонки миллии Тоҷикистон Давлаҳмад Гадоев зикр кард, ки қабули Конститутсияи Тоҷикистони соҳибистиқлол дар таърихи давлатдории миллии мо рӯйдоди воқеан бузург мебошад.

Дар ибтидои ҷаласа аз нақши Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар таҳия ва қабули Конститутсияи Тоҷикистони соҳибистиқлол ёдоварӣ гардид. Зикр шуд, ки қабули ин санади таърихӣ дастоварди бузурги мардуми мамлакат аст.

Конститутсияи Тоҷикистон истиқлолияти давлати тоҷиконро ба расмият дароварда, асосҳои сиёсиву ҳуқуқӣ ва самтҳои асосии таҳкиму пешрафти ояндаи онро мутобиқи меъёрҳои эътирофшудаи муосир муайян сохт. Дар Конститутсия марому мақсади халқи Тоҷикистон, ки аз бунёди ҷомеаи адолатпарвар иборат мебошад, дар асоси арзишҳои милливу умумибашарӣ, аз ҷумла қисми ҷудонашавандаи ҷомеаи ҷаҳон будан, озодӣ ва ҳуқуқи шахсро муқаддас шуморидан, баробарҳуқуқӣ ва дӯстии тамоми миллату халқиятҳоро эътироф кардан, дарки масъулият дар назди наслҳои гузашта, ҳозира ва оянда муайян карда шудааст.

Таъкид шуд, ки 6 ноябри соли 1994 мардуми шарифи  Тоҷикистон майлу иродаи худро доир ба қабули қонуни сарнавиштсоз, санаде, ки ҳуқуқу озодии инсон ва шаҳрвандро кафолат медиҳад ва бунёди устувори рушду такомули давлати соҳибистиқлоли Тоҷикистонро ҳамчун давлати демократӣ, ҳуқуқбунёду дунявӣ ва иҷтимоӣ муайян менамояд, яъне Конститутсияи Ҷумҳурии Тоҷикистонро тариқи раъйпурсии умумихалқӣ қабул намудааст.

Ин аст, ки Конститутсияи Ҷумҳурии Тоҷикистон аз ҷониби созмонҳои байналмилалии ҳимояи ҳуқуқи башар ҳамчун беҳтарин санади қонунгузорӣ эътироф гардидааст.

Ноябрь 5, 2019 16:35

Хабарҳои дигари ин бахш

ҚУРБИ АСЪОР: 1 евро аз 10.5939 то 10.5200 сомонӣ муқаррар шудааст
ҚУРБИ АСЪОР: 1 рубли русӣ аз 0.1630 то 0.1655 сомонӣ муқаррар шудааст
ҚУРБИ АСЪОР: 1 евро аз 10.6286 то 10.4900 сомонӣ муқаррар шудааст
ҚУРБИ АСЪОР: 1 рубли русӣ аз 0.1635 то 0.1655 сомонӣ муқаррар шудааст
Иштирокдорони ҷаласаи 37-уми пленарии ГАО масъалаҳои муҳими марбут ба таҳдидҳои ҷаҳони муосирро баррасӣ намуданд
ҚУРБИ АСЪОР: 1 евро аз 10.5388 то 10.5400 сомонӣ муқаррар шудааст
ҚУРБИ АСЪОР: 1 доллари ИМА аз 10.2100 то 10.1000 сомонӣ муқаррар шудааст
Душанбе Форуми намояндагони парлумонии давлатҳои аъзои Гурӯҳи Авруосиёро мизбонӣ менамояд
ҚУРБИ АСЪОР: 1 евро аз 10.4540 то 10.3900 сомонӣ муқаррар шудааст
ҚУРБИ АСЪОР: 1 рубли русӣ аз 0.1640 то 0.1655 сомонӣ муқаррар шудааст
ҚУРБИ АСЪОР: 1 евро аз 10.5282 то 10.4000 сомонӣ муқаррар шудааст
Бонки Эсхата муҳлати эътибори корти VISA-ро ба ҷои 2 сол то 5 сол тамдид намуд