Дар Душанбе саҳми ҷавонон дар рушди иқтисодиёти Тоҷикистон баррасӣ карда шуд
ДУШАНБЕ, 28.11.2019 /АМИТ «Ховар»/. Имрӯз дар шаҳри Душанбе оид ба «Саҳми ҷавонон дар рушди иқтисодиёти Тоҷикистон: ваъзи имрӯза ва имкониятҳои рушд» ҳамоиши ҷумҳуриявӣ баргузор гардид.
Тавре мухбири АМИТ «Ховар» иттилоъ медиҳад, ҳамоиши мазкур бо ташаббуси Суди Олии иқтисодии Ҷумҳурии Тоҷикистон ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон доир шуда, дар он масъалаҳои марбут ба сиёсати давлатӣ дар соҳаи ҷавонон ва иқтисоди миллӣ муҳокима гардиданд.
Муовини Раиси Суди Олии иқтисодии Ҷумҳурии Тоҷикистон Зокирҷон Аминзода зикр намуд, ки ҳадаф аз баргузории ҳамоиш омӯзиши нуктаҳои асосии сиёсати муваффақонаи иқтисодии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, амалишавии ҳадафҳои стратегии Ҳукумати мамлакат ҷиҳати ноил шудан ба таъмини шароити зиндагии арзанда ва инкишофи озодонаи шаҳрвандон мебошад.
Гуфта шуд, ки қишри зиёди аҳолии Тоҷикистонро ҷавонон ташкил дода, нақши онҳо дар рушди ҳамаи соҳаҳо, аз ҷумла иқтисодиёти мамлакат хеле назаррас мебошад.
Иштирокдорон оид ба паҳлӯҳои гуногуни сиёсати давлатӣ дар соҳаи ҷавонон ибрози назар намуда, зикр карданд, ки дар мамлакат барои пеш бурдани фаъолияти соҳибкории ҷавонон тамоми заминаҳои меъёриву ҳуқуқӣ мавҷуд мебошад.
«Аз ҷумла, тибқи маълумоти оморӣ, аз 189 ҳазор субъекти фаъолияткунандаи соҳибкорӣ қариб 51 ҳазор нафарашон ҷавонон мебошанд», — иброз дошт мутахассиси пешбари Суди Олии иқтисодии Ҷумҳурии Тоҷикистон Наврӯз Эмомалӣ.
Ёдовар мешавем, ки дар кори ҳамоиш вазъи дурнамои соҳибкории хурду миёна, ҷалби ҷавонон ба фаъолияти соҳибкорӣ, ҳадафҳои татбиқшавандаи фаъолияти соҳибкорӣ дар ҷумҳурӣ ва дигар масъалаҳои марбут ба соҳа мавриди баррасӣ қарор дода шуданд.
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар Бадахшон беш аз сад корхона ва коргоҳи хурди саноатӣ фаъолият менамояд
Дар Кумитаи бехатарии озуқаворӣ оид ба пешгирӣ ва муқовимат ба коррупсия вохӯрӣ баргузор шуд
Тоҷикистон барои бунёди неругоҳи «Роғун» маблағҳои иловагии созмонҳои байналмилалии молиявиро ҷалб менамояд
Нахустин мулоқоти ҳамоҳангсозони миллии Маркази минтақавии дипломатияи нақлиётӣ баргузор шуд
Дар Бонки миллии Тоҷикистон тақвияти робитаҳои байнибонкии Тоҷикистон ва Ҳиндустон баррасӣ шуд
Дар Душанбе Намоиши байналмилалии маҳсулоти саноати хӯрокворӣ ва бастабандии «UPAK EXPO 2026» доир гардид
Тоҷикистон ва Ҳиндустон ҳамкориро дар соҳаи технологияҳои рақамӣ ва инноватсия густариш медиҳанд
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Президенти Тоҷикистон: «Бунёди Неругоҳи барқи обии «Роғун» муҳимтарин дастоварди даврони соҳибистиқлолии Тоҷикистон аст»
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
