Дар Осорхонаи миллии Тоҷикистон китоби «Ганҷинаи Кӯлоб»-и Абдувалӣ Шарифзода муаррифӣ шуд
ДУШАНБЕ, 28.11.2019 /АМИТ «Ховар»/. 27 ноябр дар Осорхонаи миллии Тоҷикистон муаррифии китоби «Ганҷинаи Кӯлоб»-и Абдувалӣ Шарифзода баргузор гардид.
Тавре сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев ба хабарнигори АМИТ «Ховар» иттилоъ дод, дар муаррифии китоби «Ганҷинаи Кӯлоб» олимону донишмандон аз Академияи илмҳои Ҷумҳурии Тоҷикистон, Вазорати фарҳанги Ҷумҳурии Тоҷикистон, донишгоҳу донишкадаҳои олии мамлакат ва дигар муассисаҳои илмӣ – таҳқиқотӣ ширкат намуданд.
Асари мазкур бахшида ба 30–солагии Истиқлолияти давлатии Ҷумҳурии Тоҷикистон ва 1120- солагии таъсиси давлати Сомониён дар нашриёти «Шарқи озод» нашр шудааст.
«Ганҷинаи Кӯлоб» дар асоси таҳқиқи сиккаҳои Сомонӣ, ки аз Кӯлоб бозёфт гардиданд, таълиф шуда, 1405 дирҳам ва 104 дирҳампораро дар бар гирифтааст.
Ба гуфтаи муаллифи китоб, ганҷинаи дирҳамҳои сомонӣ дар Осиёи Миёна мебошад. Аҳамияти илмии китоби мазкур, пеш аз ҳама, дар он аст, ки он ба таҳқиқи ганҷинаи нав ёфтшуда бахшида шуда, доир ба сиккасозӣ ва муомилоти пулии Хатлон дар замони Сомониён маълумоти нав ба хонанда медиҳад.
Бояд тазаккур дод, ки доир ба ганҷинаҳои дирҳамҳои сомонӣ асарҳо ва мақолаҳо чоп шудаанд, аммо дар онҳо гурӯҳбандии муфассали сиккаҳо иҷро карда нашудааст.
Дар ин росто китоби «Ганҷинаи Кӯлоб» ягона мебошад. Зеро дар ин ганҷина 60 намуд ва 79 дирҳамҳо муайян ва шарҳ дода шудаанд.
Гурӯҳбандии пешниҳодшударо сиккашиносон метавонанд дар омӯзиши ганҷинаҳои дигар татбиқ намоянд, ки ин дастоварди хуби илмӣ мебошад.
Ҳамчунин дастоварди муҳими муаллифи китоб кашфи заробхонаи Сомониён дар Вахш мебошад, ки то ҳол маълум набуд.
Инчунин вижагии дигари «Ганҷинаи Кӯлоб» он аст, ки дар он сиккаҳои зарби Хуттал ба миқдори 581 дона мавҷуданд. Ин дар ҳолест, ки дар ганҷинаҳои дигар дирҳамҳои сомонии Хуттал бештар аз 1-2 дона мебошанд.
Ба гуфтаи иштирокдорони намоишгоҳ китоби «Ганҷинаи Кӯлоб» дар бораи вазъи сиёсии Хуттал низ маълумоти ҷолиб медиҳад ва бори нахуст феҳристи мукаммали ин ганҷина тартиб дода шуда, ба матни китоб замима гардидааст.
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
