Дар Женева бо мақсади тарғибу ташвиқи фарҳанги тоҷикон барномаи фарҳангӣ ҷараён дорад
ДУШАНБЕ, 20.11.2019. /АМИТ «Ховар»/. Шурӯъ аз 16 ноябр дар шаҳри Женеваи Конфедератсияи Швейтсария ҳамоиш оид ба баррасии мутобиқсозии қонунгузории миллии ҳуқуқи муаллиф бо меъёрҳои Созмони байналмилалии ҳуқуқи муаллиф ва барномаи фарҳангӣ бо мақсади тарғибу ташвиқи фарҳанги мардуми тоҷик ҷараён дорад.
Тавре аз Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд, дар ҳамоиши мазкур ҳайати Тоҷикистон бо роҳбарии муовини Вазири фарҳанги Ҷумҳурии Тоҷикистон Музаффар Давлатзода иштирок дорад.
Ҳамчунин ба ҳамоиш сардори шуъбаи ҳуқуқи муаллиф ва ҳуқуқҳои вобастаи Вазорати фарҳанги ҷумҳурӣ ва аъзои Иттифоқи ҳунармандони Тоҷикистон ба Женева сафар кардаанд.
Муовини Вазири фарҳанг Музаффар Давлатзода дар ифтитоҳи ҳамоиши мазкур сухан гуфта, паёми роҳбарияти Ҷумҳурии Тоҷикистон ва Вазорати фарҳангро ба Созмони умумиҷаҳонии моликияти зеҳнӣ ва роҳбари он Франсис Гарри расонид.
Дар ҳамоиш намоиши ҳунарҳои мардумӣ, аз қабили масолеҳи заргарӣ, сангтарошӣ, кандакорӣ, чӯбтарошӣ, кордсозӣ, либоси миллӣ, хӯрок ва рақсу суруди миллӣ манзури сокинон ва меҳмонони шаҳри Женева гардид.
Меҳмонони ҳамоиш аз гуногунрангӣ ва зебоии ҳунарҳои мардумии тоҷик баҳра бурда, ба кори ҳунармандон ва маҳорати санъаткорони тоҷик, дар маҷмӯъ ба фарҳанги тоҷик, ки ҳамаи онҳоро мафтун кардааст, баҳои баланд доданд.
Ёдовар мешавем, ки барномаи мазкур то 21 ноябр идома меёбад.
Осорхонаи миллӣ дар Тоҷикобод намоиши сайёри осорхонавӣ ташкил намуд
БАРНОМАИ РУШДИ КИТОБХОНАҲОИ ДЕҲОТ. Он барои такмили фаъолияти китобхонаҳо ва беҳтар шудани хизматрасонии китобдорӣ замина фароҳам меорад
Дар Душанбе Рӯзҳои фарҳанги шаҳрҳои Гулистон, Бӯстон, Истиқлол ва ноҳияҳои Вахш, Восеъ ва Ашт доир мегардад
Дар Осорхонаи миллии Тоҷикистон маҳфили «Шоҳномахонӣ» баргузор гардид
Дар Китобхонаи миллии Тоҷикистон дар мавзуи «Дастнависҳо – мероси фарҳангии миллат» ҳамоиши илмӣ-маърифатӣ доир шуд
Раиси Кумитаи миллӣ оид ба ҳуқуқи инсони Давлати Қатар дар Осорхонаи миллӣ бо тамаддуни тоҷикон шинос гардид
Дар Тоҷикистон «Барномаи рушди китобхонаҳои деҳот барои солҳои 2027–2031» амалӣ мешавад
Дар Осорхонаи миллӣ бахшида ба Даҳсолаи байналмилалӣ оид ба таҳкими сулҳ барои наслҳои оянда ҳамоиш баргузор гардид
Дар Театри таҷрибавии тамошобини ҷавон намоишномаи «Бобоҷон Ғафуров» нахустин маротиба пешниҳод гардид
Намояндаи Тоҷикистон дар Фестивал-озмуни байналмилалии «Viva Astana» сазовори «Шоҳҷоиза» гардид
Аз 9 то 30 июн экспедитсияи муштараки бостоншиносии Тоҷикистон ва Фаронса гузаронида шуд
Адрасбоф Гулбону Наврӯзова: «Ҳадафи мо эҳёи ҳунарҳои миллӣ ва бо ҷойи кор таъмин намудани занону духтарон аст»
