Форуми Душанбе мавзӯи сармоягузории хориҷӣ ба низоми бонкии Ҷумҳурии Тоҷикистонро фаро мегирад

ДУШАНБЕ, 14.11.2019. /АМИТ «Ховар»/. Пагоҳ, 15 ноябр  дар   меҳмонхонаи «Ҳайят Реҷенси»-и пойтахт бо ташаббуси Ҳукумати Ҷумҳурии Тоҷикистон дар якҷоягӣ бо Бонки миллии Тоҷикистон ва  Кумитаи давлатии сармоягузорӣ  ва идораи амволи давлатии назди Ҳукумати Ҷумҳурии Тоҷикистон, инчунин мақомоти иҷроияи ҳокимияти давлатии шаҳри Душанбе  таҳти унвони   «Сармоягузории хориҷӣ ба низоми бонкии Ҷумҳурии Тоҷикистон: дастовард ва дурнамо» Форум баргузор мегардад.

Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, дар  Форуми мазкур намояндагони  Ҳукумати Ҷумҳурии Тоҷикистон,   Бонки миллӣ,  вазорату кумитаҳои дахлдор, мақомоти иҷроияи ҳокимияти давлатии шаҳри Душанбе, ташкилотҳои молиявии хориҷӣ, сармоягузорон, шарикони рушд, ассотсиатсияҳои соҳибкорӣ,  ташкилотҳои қарздиҳӣ ва воситаҳои ахбори омма иштирок менамоянд.

Дар Форум масъулини соҳа, коршиносон ва роҳбарони лоиҳаҳои татбиқшаванда вобаста ба мавзӯи матраҳшаванда  маърӯза менамоянд.