Кумитаи рушди сайёҳӣ: Дар нуҳ моҳ аз Қалъаи Ҳисор зиёда аз 27 ҳазор нафар сайёҳон боздид намудаанд
ДУШАНБЕ, 20.11.2019. /АМИТ «Ховар»/. Дар нуҳ моҳи соли равон аз Қалъаи Ҳисор 27 ҳазору 400 нафар сайёҳон боздид намудаанд, ки аз ин шумора 6 ҳазору 480 нафарашон шаҳрвандони хориҷӣ мебошанд. Дар ин бора зимни семинари «Рушди самараноки фаъолияти сайёҳӣ», ки дар шаҳри Ҳисор доир гардид, иттилоъ дода шуд.
Тавре аз Кумитаи рушди сайёҳии назди Ҳукумати Ҷумҳурии Тоҷикистон ба АМИТ «Ховар» хабар доданд, семинари мазкур бо ташаббуси Кумита дар якҷоягӣ бо Мақомоти иҷроияи ҳокимияти давлатии шаҳри Ҳисор бахшида ба Солҳои рушди деҳот, сайёҳӣ ва ҳунарҳои мардумӣ доир карда шуд.
Гуфта мешавад, ки семинар бо мақсади татбиқи самараноки Барномаи рушди сайёҳӣ дар Ҷумҳурии Тоҷикистон барои солҳои 2018-2020 баргузор гардида, дар он намояндагони Кумитаи рушди сайёҳӣ, Мақомоти иҷроияи ҳокимияти давлатии шаҳри Ҳисор, субъектҳои хоҷагидори сайёҳӣ, муассисаҳои олии таълимӣ ва масъулини сохторҳои соҳаи сайёҳӣ иштирок намуданд.
Зикр гардид, ки ташрифи сайёҳон ба ҳар як гӯшаю канори зебоманзари мамлакат, аз ҷумла Қалъаи Ҳисор сол аз сол зиёд гардида истодааст. Ин натиҷаи тадбирҳои судманди андешидаи роҳбарияти давлату Ҳукумати Ҷумҳурии Тоҷкистон ҷиҳати рушди соҳаи сайёҳӣ мебошад.
«Дар семинар масъалаҳои тайёр намудани роҳбаладони касбӣ, ба роҳ мондани барномаҳои стандарти ягона барои ихтисосҳои соҳаи сайёҳӣ, зимни муаррифии мавзеъҳо такя намудан ба маълумоти аз ҷиҳати илмӣ асоснок, гузаронидани корҳои илмӣ-татқиқотӣ дар мавзеъҳои сайёҳӣ, ташаккули фарҳанги сайёҳӣ ва рушди сайёҳии дохилӣ мавриди баррасӣ қарор дода шуданд», — афзуд манбад.
Ёдовар мешавем, ки мавқеи ҷуғрофии шаҳри Ҳисор, фазои мусоиди экологӣ ва иншооти соҳа, аз қабили мамнӯъгоҳи «Қалъаи Ҳисор», осоишгоҳҳои «Шоҳамбарӣ» ва «Сатурн», мамнуъгоҳи таърихию мадании Ҳисор барои рушди сайёҳӣ иқтидорӣ воқеӣ доранд.









Бахшида ба Рӯзи Президент дар пойтахт хатсайрҳои сайёҳии маърифатӣ ташкил карда шуданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
Дар Фестивали сайёҳӣ дар Покистон ҳунарҳои мардумӣ ва дастовардҳои Тоҷикистон муаррифӣ гардиданд
Доир ба ҳолати пиряхҳои Тоҷикистон дар шароити тағйирёбии иқлим машғулияти илмӣ баргузор шуд
Дар нуҳ моҳи соли 2026 ба Тоҷикистон беш аз 1,5 миллион сайёҳ ташриф оварданд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
Ҳайати Тоҷикистон дар Намоишгоҳи байналмилалии сайёҳии WTM дар Лондон иштирок дорад
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд






