Нақши ҷавонон дар тарғиби ғоя ва арзишҳои миллӣ назаррас мебошад

Ноябрь 5, 2019 14:04

ДУШАНБЕ, 05.11.2019 /АМИТ «Ховар»/. Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон имрӯз дар Донишгоҳи давлатии Данғара таҳти унвони «Нақши ҷавонон дар тарғиби ғоя ва арзишҳои миллӣ» суҳбати «мизи мудаввар»-и ҷумҳуриявӣ баргузор гардид.

Тавре аз Кумитаи кор бо ҷавонон ва варзиш ба АМИТ «Ховар» хабар доданд, дар ҳамоиши мазкур олимон ва муҳаққиқони ҷавони мамлакат, коршиносон ва ҷавонони фаъол иштирок ва суханронӣ намуданд.

Нахуст, ректори Донишгоҳи давлатии Данғара Нуралӣ Шоҳиён меҳмононро ба ноҳияи Данғара хушомадед гуфта, ба кори ҳамоиш мувафаққият таманно намуд.

Сипас, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Дилноза Аҳмадзода нақши Конститутсияи Ҷумҳурии Тоҷикистонро дар ҳаёти ҷавонон назаррас арзёбӣ намуд. Номбурда аз ҷумла зикр намуд, ки «Конститутсияи Ҷумҳурии Тоҷикистон бо роҳнамоиҳои Асосгузори  сулҳу ваҳдати миллӣ- Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон дар давраҳои душвори таърихии миллати тоҷик таҳия шуда, он арзишҳои муҳими ҷомеа ва инсониро дар бар мегирад. Конститутсия — шиносномаи аслии миллати тоҷик буда, дар он  давлатдории халқи тоҷикон дарҷ гардидааст».

Зикр гардид, ки дар партави сиёсати оқилонаи Пешвои миллат муҳтарам Эмомалӣ Раҳмон раванди инкишофи ҷаҳонбинии солими афроди миллат ва ҳидоят намудани ҷавонон ба худшиносиву худогоҳӣ бо вусъати тоза ба роҳ монда шудааст.  Дар  ин росто ба масъалаи баланд бардоштани маърифати сиёсиву ҳуқуқӣ ва иттилоотии ҷавонон чун яке аз самтҳои рушди давлатдории миллӣ таваҷҷуҳи махсус зоҳир карда мешавад.

Дар кори ҳамоиш  иштирокдорон вобаста ба масъалаҳои «Нақши Конститутсия дар ҳаёти ҷавонон», «Худшиносии миллӣ- омили инкишофи ҳисси ватандӯстии ҷавонон», «Тарғиб ва гиромидошти арзишҳои миллӣ — рисолати мо ҷавонон», «Ифтихори ватандорӣ дар «Шоҳнома» — и Абулқосим Фирдавсӣ» ва «Ҷавонон ва ҳифзи арзишҳои миллӣ»  маърӯза намуда, ҷиҳати баланд бардоштани ҳисси ватандӯстии ҷавонон, тарғиби арзишҳои миллӣ ва ғояҳои ватандӯстона таклифу пешниҳодҳо намуданд.

Нимаи дуюми рӯз  Шӯрои олимони ҷавони Тоҷикистон дар назар дошта шудааст.

Ноябрь 5, 2019 14:04

Хабарҳои дигари ин бахш

Бори аввал дар садсолаи охир музди миёнаи кор дар ҷаҳон коҳиш ёфт
Дар Тоҷикистон ҳавои моҳи аввали зимистон 1 дараҷа гарм пешгӯӣ мешавад
ИМРӮЗ — РӮЗИ ҶАҲОНИИ МУБОРИЗА БО ВИЧ/СПИД. Бахшида ба ин сана дар Тоҷикистон ҳамоиш доир мегардад
ПРЕЗИДЕНТИ ТОҶИКИСТОН ДАР ИН БОРА ҲУШДОР ДОДА БУДАНД. Салиби Сурх аз шиддат гирифтани мушкилоти гуманитарӣ дар даҳҳо кишвар дар соли 2023 хабар дод
«16 РӮЗИ МУБОРИЗА БАР ЗИДДИ ХУШУНАТ». Дар Донишгоҳи давлатии ҳуқуқ, бизнес ва сиёсати Тоҷикистон ҳамоиш доир шуд
«КОРВОНИ САЛОМАТӢ». Дар Тоҷикистон маъракаи ташхис ва муоинаи ройгон роҳандозӣ мегардад
«СОАТИ СИЁСӢ» ВА «МАКТАБИ МАН». Ташаббусҳои КИ ҲХДТ дар Хатлон омили ташаккули афкори наврасону ҷавонон гардидаанд
Муаммоҳои мубрами ҳамкории давлатҳои аъзои СААД ва Созмони ҳамкории АвруОсиё дар соҳаи иҷтимоӣ ва гуманитарӣ баррасӣ гардиданд
Муносиботи Тоҷикистон ва Туркия дар соҳаи тандурустӣ тавсеа меёбанд
Дар ноҳияи Мастчоҳ оид ба ҳолатҳои фавқулода тамрину омӯзишҳо ҷараён доранд
Созмони умумиҷаҳонии тандурустӣ номи сурхакони маймунро ба mpox иваз намуд
Бунёди Сорос тасмим гирифтааст шуъбаи худро дар Тоҷикистон бандад