Пагоҳ дар ноҳияи Панҷ Фестивал барои кӯдакон баргузор мегардад
ДУШАНБЕ, 01.11.2019. /АМИТ «Ховар»/. Пагоҳ, 2 ноябр, дар Варзишгоҳи марказии ноҳияи Панҷи вилояти Хатлон бахшида 30-солагии Конвенсияи ҳуқуқи кӯдак ва 25-солагии Конститутсияи Ҷумҳурии Тоҷикистон Фестивал барои кӯдакон баргузор мегардад. Дар ин бора мутахассис оид ба робита бо ҷомеаи Хазинаи кӯдакони СММ дар Тоҷикистон Шӯҳрат Шарипов ба АМИТ «Ховар» хабар дод.
Тибқи иттилои манбаъ, Фестивали мазкурро Хазинаи кӯдакони СММ дар Тоҷикистон дар ҳамбастагӣ бо вазоратҳои адлия, меҳнат, муҳоҷират ва шуғли аҳолӣ бо дастгирии молиявии Иттиҳоди Аврупо дар чаҳорчӯбаи лоиҳаи «Раванди таъсири муҳоҷират ба кӯдакон» доир менамояд.
Дар Фестивал ҳунармандони фаъол иштирок намуда, дар он барои кӯдакон кунҷҳои рассомӣ ва бозиҳои бачагона, аз ҷумла фудкорт ва ғайраҳо ташкил мегарданд.
Ташкилкунандагони Фестивал ҳамчунин тасмим гирифтаанд, ки тақрибан 300 кӯдаки ниёзманд ва хурдсолонеро, ки имконияти ба даст овардани зоднома надоштанд, бо ҳуҷҷатҳои зарурӣ таъмин намоянд.
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
