Президент — кафили истиқлолияти миллӣ

Ноябрь 15, 2019 16:18

ДУШАНБЕ, 15.11.2019 /АМИТ «Ховар»/. Имрӯз Тоҷикистон бо роҳбарии оқилона ва хирдмандонаи Асосгузори сулҳу ваҳдати миллӣ, Пешвои миллат — Президенти Ҷумҳурии Тоҷикистон муҳтарам   Эмомалӣ Раҳмон  дар арсаи байналмилалӣ обрӯ ва нуфузи баландро касб намудааст ва Тоҷикистонро беш аз 160 давлати ҷаҳон  расман шинохтаанд ва бо мо муносибатҳои дипломатӣ ва тиҷоратӣ доранд. Ин нукта дар маҷлиси тантанавие, ки имрӯз ба ифтихори Рӯзи  Президент дар Суди Олии Ҷумҳурии Тоҷикистон доир гардид, баён шуд.

Хабарнигори  АМИТ «Ховар» иттилоъ медиҳад, ки Раиси Суди Олии Ҷумҳурии Тоҷикистон Шермуҳаммад Шоҳиён дар суханронияш бо ёдоварӣ аз нақши бузурги Президенти мамлакат дар рушди давлатдорӣ гуфт, ки тибқи талаботи моддаи  64-и Конститутсияи Ҷумҳурии Тоҷикистон «Президенти  Ҷумҳурии Тоҷикистон Сарвари давлат ва ҳокимияти иҷроия мебошад». Президент ҳомии  Конститутсия ва қонунҳо, ҳуқуқу озодиҳои инсон ва шаҳрванд, кафили истиқлолияти миллӣ, ягонагӣ ва тамомияти арзӣ, пойдориву бардавомии давлат, мурратибии фаъолияти мақомоти давлатӣ ва ҳамкории онҳо, риояи қарордодҳои байналмилалии Тоҷикистон мебошад.

Дар маҷлиси тантанавӣ  судяҳои Суди Олии Ҷумҳурии Тоҷикистон дар маърӯзаҳои худ зикр карданд, ки  нақши  Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон   дар барқарории сулҳу субот, оромӣ, эҳё ва рушди иқтисодиёти миллӣ  ва баланд бардоштани обрӯю  эътибори  нуфузи Тоҷикистон дар арсаи байналмилалӣ хеле бузург аст. Хусусан ташаббусҳои беназири Тоҷикистон  дар масоили об  чор маротиба  дар  созмонҳои бонуфузи  байналмилалӣ  маҳз бо  ибтикори   Сардори давлат дастгирӣ ёфтанд.  Ташаббуси чоруми  Даҳсолаи амал «Об барои   рушди устувор  барои солҳои 2018-2028» ҳамаҷониба дастгирӣ ёфта,  аз моҳи марти соли 2018  расман амалӣ  шуда истодааст.

Гуфта шуд, ки мояи ифтихор аст, ки  бо роҳбарии хирадмандонаи  Пешвои миллат имрӯз Истиқлолияти  давлатӣ таҳким  ёфта, дар  ҷумҳурӣ  ҳуқуқу озодиҳои  шаҳрвандон  ҳифз гардида,  волоияти қонун ва суботу оромӣ  таъмин  аст.

Ноябрь 15, 2019 16:18

Хабарҳои дигари ин бахш

ҚОНУН «ДАР БОРАИ ТАРБИЯИ ВАТАНДӮСТИИ ШАҲРВАНДОН». Доир ба он байни хизматчиёни давлатӣ омӯзиш баргузор шуд
Табибони тоҷик дар Конгресси 17-уми осебшиносон-ортопедон дар Ҳиндустон иштирок намуданд
«Тоҷиксуғурта» соли гузашта дар ҳаҷми зиёда аз 5,8 миллион сомонӣ маблағи суғуртавӣ пардохт намуд
Соли 2022 барои таҷдиду барқарорсозии 42 иншооти оби нӯшокӣ беш аз 14 миллион сомонӣ ҷудо карда шуд
НИШАСТИ МАТБУОТӢ. Соли гузашта 770 ҳолати вайрон намудани Қонун «Дар бораи танзими анъана ва ҷашну маросим дар Ҷумҳурии Тоҷикистон» ба қайд гирифта шуд
ФАВРӢ! Роҳи мошингарди Душанбе-Чаноқ кушода шуд
Дар мақомоти Ваколатдор оид ба ҳуқуқи инсон лоиҳаи 50 санади меъёрии ҳуқуқӣ мавриди омӯзиш қарор гирифт
Маркази миллии қонунгузорӣ барои такмили механизми татбиқи қонунҳо беш аз 600 таклиф пешниҳод намуд
IRS ХАБАР МЕДИҲАД. Дар километрҳои аз 52 то 73-юми роҳи Душанбе-Чаноқ 45 тармаи хурду бузург фаромад
Соли 2022 дар Тоҷикистон номи 56 шаҳраку деҳот иваз карда шуд
Агентии обуҳавошиносӣ: «Соли гузашта 365 пешгӯиҳои якшабонарӯзӣ тартиб дода шуд, ки дурустии онҳо 93%-ро ташкил медиҳад»
ТАВАҶҶУҲ! Кумитаи ҳолатҳои фавқулода ва мудофиаи гражданӣ аз резиши сангу фаромадани тарма ҳушдор медиҳад