Рӯнамоии китоби «Зичии радиантҳо, суръатҳо, мадорҳо ва масири атмосферии радиометрҳои дар Тоҷикистон мушоҳида шуда» дар Душанбе
ДУШАНБЕ, 25.11.2019 /АМИТ «Ховар»/. Дар Академияи илмҳои Ҷумҳурии Тоҷикистон рӯнамоии китоби астрофизикии «Зичии радиантҳо, суръатҳо, мадорҳо ва масири атмосферии радиометрҳои дар Тоҷикистон мушоҳида шуда» доир гардид. Дар маросим мутахассисон, кормандон ва астрофизикон аз Институти астрофизикаи Академияи илмҳои ҷумҳурӣ иштирок ва суханронӣ намуданд.
Зикр гардид, ки муаллифони китоби мазкур ходими калони Институти астрофизикаи Академияи илмҳо Мирҳусейн Назриев ва собиқ корманди Академия марҳум Рамон Чеботарёв мебошанд.
Зимни ҳамоиш ноиби президенти Академияи илмҳо, академик Ҳикмат Муъминов иброз намуд, ки ин китоб моликияти зеҳнии Ҷумҳурии Тоҷикистонро ҳимоя мекунад.
Тавре муаллифи китоб Мирҳусейн Назриев зикр намуд, асари мазкур бо маводе, ки дар замони шӯравӣ ҷамъоварӣ гардида, нашри он бо сабабҳои объективию субъективӣ ба таъхир афтода буд, нашр гардид. Ба гуфтаи номбурда, дар китоб асосан мушоҳидаҳои солҳои 1968-1969 ва назарҳои имрӯза ҷой дода шудаанд.
Бино ба гуфтаи Назриев, “китоб дар бораи зичии радиантҳо, суръатҳо, мадорҳо ва масири атмосферии радиометрҳои дар Тоҷикистон мушоҳида шуда буда, фарқияти он аз зичиҳои қаблии Англия, Канада, Америка, Харков ва Россия он аст, ки он бори аввал хусусиятҳои физикавии ҷирмҳои метеороидиро дар бар мегирад. Гузашта аз ин ин зичӣ дар фарқият аз метеороидҳои пешин бузургии ситорагиашон аз “ҷамъи 5” равшантарро фарогир аст”.
-Ҳамин китобро Иттиҳоди байналмилалии астрономҳо дар сайти худ ҷойгир намудааст, ки он моҳияти ин зичиро дар соҳаи таҳқиқи кайҳон нишон медиҳад, афзуд М. Назриев.
Муаллифи дигари китоб Рамон Чеботарёв асосгузори таҳқиқи метеороидҳо бо усули радиолокатсионӣ дар Тоҷикистон маҳсуб мешуд.
Дар ҳамоиш байни устодону донишҷӯён ва магистрон перомуни мавзӯъҳои ҷолиби астрономӣ суолу ҷавоб сурат гирифт.
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
