Сафири Тоҷикистон бо Раиси Ниҳоди миллии идоракунии офатҳои табиии Покистон мулоқот намуд
ДУШАНБЕ, 28.11.2019 /АМИТ «Ховар»/. 26 ноябри соли 2019 Сафири Тоҷикистон дар Покистон Исматулло Насредин бо Раиси Ниҳоди миллии идоракунии офатҳои табиии Ҷумҳурии Исломии Покистон генерал-лейтенант Муҳаммад Афзал мулоқот намуд.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, Муҳаммад Афзал намояндаи расмии Ҷумҳурии Тоҷикистонро хайрамақдам гуфта, аз таассуроти сафари худ ба Душанбе дар моҳи сентябри соли 2019 бо изҳори қаноатмандӣ ва сипоси бепоён ёдовар шуд.
Сафири Тоҷикистон оид ба даъвати гурӯҳи кормандони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба Покистон барои омӯзиш изҳори ташаккур намуда, зикр кард, ки дар оянда низ ҳамкорӣ дар самти пешгирӣ ва рафъи офатҳои табиӣ миёни ду давлат бояд густариш ёбад.
Дар ҷараёни мулоқот аз ҷониби генерал Муҳаммад Афзал масъалаи ба роҳ мондани ҳамкории минтақавӣ баҳри рафъи офатҳои табиӣ ва кумакҳои саривақтии муштараки кишварҳо пешниҳод гардид.
Ҷонибҳо ҳамчунин дар бораи ҷараёни ҳолати баррасии лоиҳаи санади дуҷониба оид ба ҳамкорӣ дар соҳаи пешгирӣ ва рафъи ҳолатҳои фавқулода муҳокимаронӣ намуда, зарурати ба имзо омода сохтани онро зикр карданд.
Акс аз ВКХ ҶТ
КОНФРОНСИ ЧОРУМИ БАЙНАЛМИЛАЛИИ САТҲИ БАЛАНД ДАР ДУШАНБЕ. Беш аз 100 хабарнигори расонаҳои бонуфузи хориҷӣ рафти онро инъикос мекунанд
Мартин Чунгонг: «Ташаббуси Президенти Тоҷикистон оид ба дипломатияи об сазовори дастгирӣ дар ҳама сатҳҳо мебошад»
Донишгоҳи сулҳи СММ саҳми Президенти Тоҷикистон Эмомалӣ Раҳмонро дар сулҳ, рушди устувор ва ҳамкории минтақавӣ қадрдонӣ намуд
Тшилидзи Марвала: «Пешсафии Эмомалӣ Раҳмон дар соҳаи энергияи «сабз» ҷомеаи ҷаҳонро илҳом мебахшад»
РАВАНДИ ОБИ ДУШАНБЕ. Пойтахти Тоҷикистон ба маркази байналмилалии муколамаи глобалӣ оид ба масъалаҳои об табдил меёбад
Ҳамкории мутақобилан судманди Тоҷикистону Корея дар соҳаи маъданҳои муҳим баррасӣ гардид
Сироҷиддин Муҳриддин бо як гурӯҳ аз сафирони давлатҳои иштирокдори САҲА мулоқот намуд
Сарвазири Тоҷикистон Қоҳир Расулзода дар ҷаласаи Шурои сарони ҳукуматҳои кишварҳои иштирокдори ИДМ иштирок намуд
Президенти Туркманистон Сердар Бердимуҳамедов бо Сарвазири Тоҷикистон Қоҳир Расулзода мулоқот намуд
Сафири Тоҷикистон Зубайдулло Зубайдзода бо Валиаҳди Давлати Кувайт мулоқот намуд
Раванди татбиқи лоиҳаҳои Швейтсария дар Тоҷикистон баррасӣ гардид
Рӯзҳои фарҳанги Тоҷикистон дар Қирғизистон ба анҷом расиданд
