Шамсиддин Орумбекзода дар Форуми вазирони фарҳанги давлатҳои ҷаҳон дар Париж иштирок намуд
ДУШАНБЕ, 20.11.2019. /АМИТ «Ховар»/. 19 ноябр дар шаҳри Парижи Ҷумҳурии Франсия бо ташаббуси ЮНЕСКО Форуми вазирони фарҳанги давлатҳои ҷаҳон баргузор гардид.
Тавре аз Вазорати фарҳанги Ҷумҳурии Тоҷикистон ба хабарнигори АМИТ «Ховар» иттилоъ доданд, дар форуми мазкур 140 нафар намояндагони мамлакатҳои ҷаҳон иштирок намуданд.
Аз Тоҷикистон дар ин форум Вазири фарҳанги ҷумҳурӣ Шамсиддин Орумбекзода, Сафири Тоҷикистон дар Франсия Ҷамолиддин Убайдулло, Котиби Комиссияи ЮНЕСКО дар Тоҷикистон Зулфия Бурҳон ширкат намуданд.
Форумро Директори генералии ЮНЕСКО хонум Одри Азуле ифтитоҳ намуд. Дар кори он масъалаҳои дурнамои фаъолият то соли 2030, ҳамзистии фарҳанги маънавӣ дар шароити ҳозираи тамаддун, ҷаҳонишавӣ ва тағйироти иқлим, ҳифзи ёдгориҳои таърихии фарҳангӣ дар ҳолатҳои фавқулода баррасӣ гардиданд.
Вазири фарҳанги Ҷумҳурии Тоҷикистон Шамсиддин Орумбекзода зимни суханронӣ таваҷҷуҳи ҳозиринро ба фарҳанги қадимаву пурғановати миллати тоҷик ва сиёсати дарҳои кушоди пешгирифтаи Ҳукумати Ҷумҳурии Тоҷикистон бо роҳбарии Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон ҷалб намуд.
Ҳамчунин дар Форум вазирони фарҳанги дигар давлатҳои ҷаҳон оид ба масъалаҳои афзалиятноки соҳа сухан гуфтанд.
Бо мақсади муаррифии васеи Тоҷикистон як зумра филмҳои мустанад ба забони англисӣ тарҷума ва дубляж гардиданд
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
«Харитаи хатсайри Шӯриши Восеъ» ба ҷалби бештари сайёҳони дохилию хориҷӣ мусоидат менамояд
Корҳои тармиму барқарорсозӣ дар ёдгориҳои Қалъаи Муъминобод, Қалъаи Кӯлоб ва қасри Ҳокими Ҳисор идома доранд
Дар Бадахшон даври вилоятии Озмуни ҷумҳуриявии «Тоҷикистон — Ватани азизи ман» ҷамъбаст гардид
Бо иштироки олимони бостоншинос филми мустанади «Хутали қадим» таҳия гардид
Дар Тоҷикистон 6 агентии иттилоотӣ, аз ин 1 давлатӣ ва 5 мустақил фаъолият доранд
НИШАСТИ МАТБУОТӢ. «Шоҳи қуллаҳо» — филми мустанад дар мавзуи ҳифзи бабри барфӣ сазовори ҷоиза гардид
Ба истиқболи 35-солагии Истиқлоли давлатӣ бинои беназир дар минтақа — Театри миллии Тоҷикистон ба истифода дода мешавад
НИШАСТИ МАТБУОТӢ. Дар Тоҷикистон ду барномаи нави соҳаи фарҳанг қабул гардид
Раиси Кумитаи миллӣ оид ба ҳуқуқи инсони Давлати Қатар Қалъаи Ҳисорро тамошо намуд
