Ширкатҳои Тоҷикистон дар Намоишгоҳи байналмилалии сайёҳии Тошканд иштирок намуданд

Ноябрь 18, 2019 09:39

ДУШАНБЕ, 18.111.2019. /АМИТ «Ховар»/. Ширкатҳои сайёҳии Ҷумҳурии Тоҷикистон дар «Намоишгоҳи 25-уми байналмилалии сайёҳии Тошканд – TITF 2019 — Туризм дар Шоҳроҳи Абрешим», ки аз 13 то 15 ноябри соли 2019 дар шаҳри Тошканди Ӯзбекистон баргузор гардид, иштирок намуданд. Дар ин бора АМИТ «Ховар» бо истинод ба Кумитаи рушди сайёҳӣ хабар медиҳад.

Ҳадафи асосии намоишгоҳ иттилоотонии иштирокчиён ва меҳмонон дар бораи намудҳои гуногуни истироҳат ва самтҳои нави сайёҳӣ дар минтақа, инчунин ба роҳ мондани ҳамкорӣ дар ин самтҳо мебошад.

Дар намоишгоҳ намояндагони ширкатҳои Тоҷикистон, Қазоқистон, Қирғизистон, Гурҷистон, Беларус, Россия, Украина, Ҳиндустон, Чин, Корея, Малайзия, Индонезия, Миср ва Аморати Муттаҳидаи Араб ҷиҳати ба роҳ мондани хатсайрҳои муштарак гуфтушунидҳо анҷом доданд.

Бояд тазаккур дод, ки бо дарназардошти захираҳои бойи таърихию фарҳангии Тоҷикистон ЮНЕСКО ва Созмони умумиҷаҳонии сайёҳӣ Тоҷикистонро ба барномаи «Тарғиби мероси таърихии давлатҳои Шоҳроҳи Абрешим» шомил намудаанд. Иштирок дар ин барнома имкон медиҳад, ки иншооти таърихию фарҳангии Тоҷикистон дар сатҳи ҷаҳонӣ ҳамчун мавзеъҳои сайёҳӣ муаррифӣ шаванд.

Ҳамчунин  самаранок истифода намудани чор пайроҳаи таърихии Шоҳроҳи Абрешим, ки аз Тоҷикистон мегузаранд, ҳамчун бренди сайёҳии мамлакат баҳри ташрифи бештари сайёҳони хориҷӣ ба ҷумҳурӣ мусоидат менамояд.

Иштирок дар Намоишгоҳи мазкур ва густариши ҳамкорӣ бо ширкатҳои сайёҳии хориҷӣ имконият медиҳад, ки хатсайрҳои минтақавии сайёҳӣ бо фарогирии кишварҳои Осиёи Марказӣ ташкил ва амалӣ карда шаванд.

Ноябрь 18, 2019 09:39

Хабарҳои дигари ин бахш

Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад