«Таҳаввулоти конститутсионии Тоҷикистони соҳибистиқлол» нашр шуд

Ноябрь 5, 2019 13:14

ДУШАНБЕ, 05.11.2019/АМИТ «Ховар»/. Ба ифтихори  25-умин солгарди қабули Конститутсияи Ҷумҳурии Тоҷикистон, ки 6 ноябри соли 2019 ботантана таҷлил мегарад,  бо ибтикори Вазорати адлияи Ҷумҳурии Тоҷикистон китоби дастаҷамъона таҳти унвони  «Таҳаввулоти конститутсионии Тоҷикистони соҳибистиқлол»  нашр гардид. Китоби «Таҳаввулоти конститутсионии Тоҷикистони соҳибистиқлол» дар корхонаи воҳиди давлатии нашриётии Вазорати адлияи ҷумҳурӣ «Қонуният» ба забонҳои тоҷикӣ ва русӣ зери таҳрири умумии Вазири  адлияи  Ҷумҳурии Тоҷикистон, номзади илмҳои ҳуқуқшиносӣ, мушовири давлатии адлияи дараҷаи  II Рустам Шоҳмурод  чоп гардидааст.

Ҳуқуқшиносони варзидаи ҷумҳурӣ — Абдуманнон Холиқзода,  Мақсуд Низомӣ, Исфандиёр Собирзода, Абӯбакр Иномов, Таҳмина Илҳомзода ва Хуршед Камолзода мураттибони китоби  «Таҳаввулоти конститутсионии Тоҷикистони соҳибистиқлол» мебошанд.

Китоб аз ду боб-  «Конститутсия: ташаккул ва марҳилаҳои такмили он» ва «Заминаҳои сиёсӣ–ҳуқуқии таҳаввулоти конститутсионӣ дар Ҷумҳурии Тоҷикистон» иборат буда, дар он тамоми санадҳои меёрию ҳуқуқӣ, аз ҷумла, суханронӣ, маърӯза  ва изҳороти сиёсии Сарвари давлат, қарорҳои Суди конститутсионии Ҷумҳурии  Тоҷикистон ва хабарҳои расмии Комиссияи марказии интихобот ва раъйпурсии Ҷумҳурии Тоҷикистон вобаста ба таҳияи лоиҳаи  матни Конститутсия, муҳокима ва қабули он  тариқи раъйпурсии умумихалқӣ, инчунин се ислоҳоти конститутсионӣ гирд оварда шудаанд.

Китоб ба ҳуқуқшиносон, муаррихону муҳаққиқон, сиёсатшиносону коршиносон, аспирантон, донишҷӯёни бахши  ҳуқуқшиносӣ, хизматчиёни давлатӣ ва доираи васеи хонандагон тавсия мешавад.

Ноябрь 5, 2019 13:14

Хабарҳои дигари ин бахш

Нахустин шумораи маҷаллаи «Навиди илм» ба нашр расид
Бахшида ба 570-солагии рассом Камолиддини Беҳзод конференсияи байналмилалӣ доир мегардад
Филми бадеии муштараки Тоҷикистону Эрон «Моҳӣ дар шаст» дар Теҳрон рӯнамоӣ гардид
Бахшида ба 700-солагии Ҳофизи Шерозӣ дар Душанбе конфронси байналмилалӣ баргузор мегардад
Дар Панҷакент дар мавзуи «Рӯдакӣ ва эҳёи фарҳанги тоҷикон» конференсияи байналмилалӣ доир шуд
Даври сеюми Озмуни ҷумҳуриявии «Тоҷикистон — Ватани азизи ман» баргузор мегардад
Дар Маркази инноватсионии Чину Тоҷикистон оид ба маҳсулоти табиӣ коргоҳи истеҳсоли маводи доруворӣ ба истифода дода шуд
«РӮДАКӢ РАФТУ МОНД ҲИКМАТИ ӮЙ». Дар Бӯстон ба ифтихори бунёдгузори адабиёти тоҷик озмун доир гардид
ВАРО БУЗУРГИЮ НЕЪМАТ ЗИ ОЛИ СОМОН БУД. Эҳдо ба Рӯзи Рӯдакӣ
ИМРӮЗ — РӮЗИ РӮДАКӢ. Сардафтари адабиёти тоҷику форс бо осори мондагори худ ба забону адаби мо умри ҷовидона бахшидааст
Дар Институти астрофизика доир ба системаи офтобӣ машварат баргузор шуд
Барои кормандони соҳаи ҳифзи муҳити зист ва ҳифзи ҳуқуқ машғулияти омӯзишӣ баргузор гардид