«Тоҷикистон гӯшае аз биҳишти рӯи замин аст!»- конфронси илмӣ-назариявӣ дар шаҳри Бӯстон

Ноябрь 27, 2019 11:08

ДУШАНБЕ, 27.11.2019 /АМИТ «Ховар»/. 26 ноябр дар Мактаби президентии шаҳри Бӯстони вилояти Суғд таҳти унвони «Тоҷикистон гӯшае аз биҳишти рӯи замин аст!» конфронси илмӣ-назариявӣ доир гардид.

Дар конфронси мазкур  Раиси шаҳри Бӯстон Раъно Ҳошимзода, муовини якуми Раиси Кумитаи рушди сайёҳии назди Ҳукумати Ҷумҳурии Тоҷикистон Ҳабибулло Амирбекзода, мудири шуъбаи рушди сайёҳии Мақомоти иҷроияи ҳокимияти давлатии вилояти Суғд Абдумаҷид Раҳимов, хизматчиёни давлатӣ, устодони Донишкадаи кӯҳӣ-металлургии Тоҷикистон, намояндагони соҳаҳои маориф, тандурустӣ, фарҳанг, роҳбарони воҳидҳои сохторӣ, соҳибкорон, ҳунармандон ва фаъолони шаҳр иштирок намуданд.

Раъно Ҳошимзода зикр намуд, ки дар замони соҳибистиқлолӣ  таҳти роҳбарии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба масъалаи рушди деҳот, сайёҳӣ ва ҳунарҳои мардумӣ  пайваста таваҷҷуҳи махсус  зоҳир мегардад.

«Қабули Стратегияи рушди сайёҳии Ҷумҳурии Тоҷикистон барои то соли 2030, Барномаи рушди  сайёҳӣ барои солҳои 2018-2020 дар Ҷумҳурии Тоҷикистон, таъсиси ниҳоди давлатӣ-Кумитаи рушди сайёҳии назди Ҳукумати Ҷумҳурии Тоҷикистон, эълон гардидани Соли рушди сайёҳӣ ва ҳунарҳои мардумӣ, Солҳои рушди деҳот, сайёҳӣ ва ҳунарҳои мардумӣ ва дигар тадбирҳо далели онанд, ки Ҳукумати мамлакат барои таъмини рушди соҳа аз тамоми имкониятҳо истифода менамояд»,- гуфт номбурда.

Муовини якуми Раиси Кумитаи рушди сайёҳии назди Ҳукумати Ҷумҳурии Тоҷикистон Ҳабибулло Амирбекзода аз дастгириҳои давлатии соҳа ёдовар шуда, иброз дошт, ки айни замон дар Тоҷикистон 200 ширкати сайёҳӣ фаъолият менамоянд. Сол аз сол таваҷҷуҳи сайёҳон ба Тоҷикистон зиёд шуда, соли  гузашта 1 миллиону 155 ҳазор ва дар нуҳ моҳи соли равон 950 ҳазор сайёҳон ба Тоҷикистон ташриф овардаанд.

Муовини ректори Донишкадаи кӯҳӣ-металлургии Тоҷикистон оид ба илм, инноватсия ва робитаҳои байналмилалӣ Замониддин Насриддинов доир ба омода намудани кадрҳои соҳаи сайёҳӣ дар мамлакат ва бахусус кадрҳои соҳаи туризми экологӣ ва кӯҳнавардӣ сухан гуфт. Номбурда инчунин  оид ба пешрафти соҳа ба масъулин пешниҳодоти хешро манзур намуд.

Раиси шаҳри Бӯстон Раъно Ҳошимзода бо изҳори қаноатмандӣ таъкид дошт, ки фаъолон ва сокинони шаҳри Бӯстон барои бештар  фароҳам намудани шароит ва фазои мусоиди қабули меҳмонон аз тамоми имкониятҳо истифода менамоянд.

Ноябрь 27, 2019 11:08

Хабарҳои дигари ин бахш

НАМОИШГОҲИ БАЙНАЛМИЛАЛИИ САЙЁҲИИ ITB BERLIN 2023. Ҳайати Тоҷикистон барои иштирок дар он омодагӣ мебинад
Дар Суғд 39 нафар ғолиби Озмуни вилоятии «Хомаи созанда-2022» гардид
6 феврал «Амонатбонк», Хадамоти иҷро, Маркази миллии тестӣ ва Иттифоқи «Тоҷикматлубот» нишасти матбуотӣ баргузор менамоянд
«ТОҶИКИСТОН-ВАТАНИ АЗИЗИ МАН». Имсол дар ин озмуни ҷумҳуриявӣ рассомон ва дизайнерон иштирок мекунанд
««ТОҶИКОН» – ОИНАИ ТАЪРИХИ МИЛЛАТ». Шоҳҷоиза барои ғолибон дар ҳар гурӯҳи ин озмуни ҷумҳуриявӣ 70 ҳазор сомонӣ пешбинӣ шудааст
Пагоҳ Кумитаи дин, танзими анъана ва ҷашну маросим, Агентии назорати маводи нашъаовар, Агентии «Тоҷикстандарт», КВД «Хоҷагии манзилию коммуналӣ» ва КВД «Тоҷиксуғурта» нишасти матбуотӣ баргузор менамоянд
Хизматчиёни давлатии Тоҷикистон дар шаҳри Беппуи Ҷопон фарҳанги миллати тоҷикро муаррифӣ карданд
«ТОҶИКИСТОН-ГАВҲАРИ КАШФНОШУДА ДАР САМОИ САЙЁҲӢ». Дар Душанбе Форум ва Намоишгоҳи байналмилалиии сайёҳӣ доир карда мешаванд
Дар озмуни ҷумҳуриявии ««Тоҷикон» – оинаи таърихи миллат» иштирок менамоем
«ТАВАҶҶУҲИ ҲАКАМОН» БА «ДОВ». Филми Тоҷикистон дар Кинофестивали байналмилалӣ соҳиби ҷоиза гардид
Соли 2022 беш аз 138 ҳазор нафар сайёҳон аз мавзеъҳои таърихию фарҳангии вилояти Суғд дидан карданд
АРҶ МЕГУЗОРЕМ. Дар Бохтар Осорхонаи Ҳунарпешаи халқии Тоҷикистон Аловуддин Абдуллозода таъсис меёбад