Дар Душанбе даври ниҳоии Фестивали бозиҳои миллии варзишӣ баргузор мегардад
ДУШАНБЕ, 12.12.2019 /АМИТ «Ховар»/. 14 декабр дар шаҳри Душанбе марҳилаи ниҳоии Фестивали бозиҳои миллии варзишӣ баргузор мегардад. Дар ин бора аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд.
Фестивали бозиҳои миллии варзишӣ аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Федератсияи футболи Тоҷикистон бахшида ба Солҳои рушди деҳот, сайёҳӣ ва ҳунарҳои мардумӣ роҳандозӣ шудааст.
Фестивали мазкур аз ду намуд: сабқат — рақобати даставӣ ва бозиҳои намоишӣ иборат буда, ба гурӯҳи сабқат ва рақобати даставӣ 8 намуд бозӣ ва ба гурӯҳи намоишӣ 10 номгӯй бозӣ дохил мешаванд. Фестивали бозиҳои миллии варзишӣ аз 3 марҳила иборат буда, марҳилаи якум дар сатҳи шаҳру ноҳияҳо 20 март оғоз шуд. Марҳилаи дуюм 8 сентябр дар сатҳи минтақа ва вилоят баргузор гардид.
Бино ба иттилои манбаъ, дар даври ниҳоии Фестивали бозиҳои миллии варзишӣ ғолибони марҳилаи дуюм ва ҳаводорони намудҳои гуногуни варзиш иштирок менамоянд.
Мақсад аз баргузории Фестивали бозиҳои миллии варзишӣ — эҳё ва рушди намудҳои миллии варзиш дар Ҷумҳурии Тоҷикистон, пос доштани таърих, фарҳанг, расму ойин ва анъанаву суннатҳои тоҷикона баҳри баланд бардоштани ҳисси худшиносиву худогоҳӣ, эҳтиром ва арҷгузорӣ ба арзишҳои миллӣ ва ҳамзамон тарғибу ташвиқ ва таҳкими тарзи ҳаёти солим мебошад.
Ёдовар мешавем, ки ғолибон ва иштирокчиёни Фестивали бозиҳои миллии варзишӣ бо Ҷом, диплом, сипоснома ва туҳфаҳои хотиравии Кумитаи тадорукот сарфароз гардонида мешаванд.








ҶОМИ ҶАҲОН-2026. Дастаи мунтахаби наврасони Тоҷикистон (U-17) дастаи Кубаро мағлуб кард
Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд






