Дар маъракаи шудгору кишти тирамоҳӣ дар Ховалинг Ҷамоати деҳоти Ғаффор Мирзо пешсаф аст
ХОВАЛИНГ, 24.12.2019 /АМИТ «Ховар»/. Дар маъракаи шудгору кишти тирамоҳӣ деҳқонони Ҷамоати деҳоти Ғаффор Мирзои ноҳияи Ховалинг пешсафанд. Кишоварзони ин ҷамоат қаблан тухмиҳои хушсифати ба шароити иқлими минтақа мутобиқ ва сӯзишворию равғанҳои молиданиро захира карда, баъди нарм гардидани замин тамоми техникаҳоро ба шудгор сафарбар намуданд.
Дар ин бора сардори шуъбаи кишоварзии ноҳия Ҷумахон Ғоибов ба АМИТ «Ховар» иттилоъ дод.
Бориши барфу борони моҳи ноябр ва гарму бебориш шудани ҳаво дар рӯзҳои минбаъда барои вусъати кишти тирамоҳӣ дар ноҳияҳои кишоварзии мамлакат шароити хуб фароҳам овард. Бо истифода аз ин дар ноҳияи Ховалинг кишоварзон тамоми техникаҳои кишоварзӣ ва мошинолотро ба саҳро бароварда, барои ҳарчи зудтар ба анҷом расонидани кишти тирамоҳӣ кӯшиш ба харҷ дода истодаанд. Дар ноҳия бо маслиҳати мутахассисони соҳа кишоварзон дар навбати аввал дар талу теппаҳо шудгори хушсифат гузаронида, ғалладона кориданд. Зеро қисмати зиёди заминҳои кишт дар талу теппаҳо ҷойгир аст.
Солҳои қаблӣ кишоварзони ноҳияи Ховалинг чун дигар деҳконони навоҳии кӯҳистон аз норасоии техникаи соҳавӣ танқисӣ дошта, шудгору киштро сари вақт анҷом дода наметавонистанд. Ҳукумати Ҷумҳурии Тоҷикистон ва Вазорати кишоварзӣ давоми солҳои охир тавассути барномаҳои давлатӣ ба ин ноҳияҳо миқдори зиёди трактору мошинолот ворид карданд.
Ба иттилои сардори шуъбаи кишоварзии ноҳия, давоми чанд рӯзи дигар деҳқонон шудгору кишти тирамоҳиро пурра ба анҷом расонида, заминҳои боқимондаро барои кишти баҳории зироати кишоварзӣ омода месозанд.
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
