Дар ноҳияи Ёвон бинои маъмурии ҲХДТ ва «Спитаменбонк» ба истифода дода шуданд

ДУШАНБЕ, 30.12.2019 /АМИТ «Ховар»/. Дар арафаи ҷашни Соли нави мелодӣ дар ноҳияи Ёвон  бо иштироки муовини якуми Раиси Ҳизби Халқии Демократии Тоҷикистон Абдуҷаббор Азизӣ, муовини якуми раиси вилояти Хатлон Амонулло Хайрулло, раиси Кумитаи иҷроияи ҲХДТ дар вилояти Хатлон Абдулло Раҳмонзода,  раиси ноҳияи Ёвон Ҷамшед Саидзода, муовини якуми раиси Раёсати «Спитаменбонк» Умедҷон Ҳикматов ва сокинони ноҳия  бинои нави маъмурии ҲХДТ ва бинои «Спитаменбонк» мавриди истифода қарор гирифтанд.

Биноҳои мазкур ба таври замонавӣ бунёд ёфта, дар онҳо барои кормандону мизобоҷон шароити мусоиди корӣ фароҳам оварда шудааст.

Зимни маросими ифтитоҳи биноҳои мазкур зикр гардид, ки Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 26 декабр зимни ироаи Паёми навбатӣ ба Маҷлиси Олии Ҷумҳурии Тоҷикистон иброз доштанд, ки “ҳадафҳои асосии Ҳукумати Ҷумҳурии  Тоҷикистон аз иродаи халқи Тоҷикистон сарчашма мегиранд ва амалишавии онҳо гарави рушди мамлакат ва зиндагии шоистаи ҳар сокини он мебошад”.