Лоиҳаи «Ҳамроҳ бихонем» таваҷҷуҳи хонандагонро ба мутолиаи китоб бештар мегардонад
ХОРУҒ, 07.12.2019 /АМИТ «Ховар»/. Дар Муассисаи давлатии “Мактаби президентии шаҳри Хоруғ” дар доираи лоиҳаи «Ҳамроҳ бихонем» маҳфили навбатӣ баргузор гардид. Ин лоиҳа дар асоси қарордоди Ҳукумати Ҷумҳурии Тоҷикистон ва Агентии рушди байналмилалии Амрико роҳандозӣ шуда, ҳадафи он ба сатҳи баланд бардоштани натиҷаҳои хониши хонандагони синфҳои ибтидоӣ мебошад.
Лоиҳаи «Ҳамроҳ бихонем» яке аз лоиҳаҳои муштараки Вазорати маориф ва илми Ҷумҳурии Тоҷикистон ба шумор меравад. Мутобиқи ин лоиҳа омӯзгорону хонандагони синфҳои ибтидоӣ бо маводи босифати хониш ва мувофиқ ба синн ва суннату фарҳанг таҳияшуда таъмин гардида, барои шинос намудани омӯзгорон бо усулҳои нави таълим давраҳои омӯзишӣ баргузор менамояд.
Сардори Раёсати маорифи вилоят Одинашо Мардов китобхониро як рукни муҳими таълим шумурда, изҳор дошт, ки баъди лоиҳаи «Ҳамроҳ бихонем» воқеан таваҷҷуҳи кӯдакону наврасон ба мутолиаи китоб бештар гардидааст. Ба даст овардани пирӯзиҳои назаррас дар озмуну олимпиадаҳои ҷумҳурӣ ва байналмилалӣ як навъ афзоиши таваҷҷуҳи хонандагонро ба китоб нишон медиҳад. Ҳадафи ниҳоии лоиҳа он аст, ки хонандагон аз даврони кӯдакӣ ба китобхонӣ меҳру муҳаббат пайдо кунанд ва аз ҳама муҳим, мафҳуму моҳияти асарро дарк намоянд. Дар ин кор нақши волидайн низ басо муассир буда, бе кумаку дастгирии онҳо татбиқи лоиҳа ба мушкилӣ рӯ ба рӯ мешавад. Аз ин рӯ муассисаҳои таълимӣ бояд кӯшиш намоянд, ки робитаи худро бо оила қавӣ гардонанд.
Директори Мактаби президентии шаҳри Хоруғ Шодигул Қонунзода изҳор медорад, ки китоб тахайюлоти бадеии хонандагонро равнақ медиҳад, барои баргузор кардани барномаҳои фароғатию зеҳнӣ ва маҳфилҳои фарҳангӣ имконияти васеъ фароҳам меорад. Барномаи адабӣ-мусиқие, ки хонандагони синфҳои ибтидоӣ мустақилона таҳия ва зимни маҳфил манзури ҳозирин гардонданд, аз ин шаҳодат медиҳад. Барнома хеле пурмуҳтаво ва шавқовару рангин буд.
Муҳлати лоиҳаи «Ҳамроҳ бихонем» барои панҷ сол пешбинӣ шуда, барои зиёд намудани дастрасӣ ба маводи босифати хониш, такмили ихтисоси омӯзгорони синфҳои ибтидоӣ, муаррифии усулҳои муосири таълим ва тавсеаи ҳарчи бештари ҳамкорӣ байни мактаб ва оила нигаронида шудааст.
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
