Маҷлиси Кумитаи иҷроияи Ҳизби Халқии Демократии Тоҷикистон дар шаҳри Душанбе доир шуд
ДУШАНБЕ, 30.12.2019 /АМИТ «Ховар»/. Имрӯз дар пойтахт маҷлиси Кумитаи иҷроияи Ҳизби Халқии Демократии Тоҷикистон дар шаҳри Душанбе доир гардид.
Дар он Раиси Кумитаи иҷроияи ҲХДТ дар шаҳри Душанбе Зоир Раҳмонзода, Роҳбари дастгоҳи Кумитаи иҷроияи марказии ҲХТТ Абдураҳмон Хонов, муовини Раиси шаҳри Душанбе Мавсума Муинӣ, раисони КИ ҲХДТ дар ноҳияҳо, сардорони Раёсату кумитаҳо, сармуҳаррири нашрияи «Мароми пойтахт»-и КИ ҲХДТ дар шаҳри Душанбе ва намояндагони воситаҳои ахбори омма иштирок намуданд.
Мутобиқи рӯзномаи маҷлис дар он масъалаҳои омӯзиши Паёми Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон оид ба амалӣ намудани дастуру супоришҳои Раиси ҳизб муҳтарам Эмомалӣ Раҳмон дар Анҷумани XIII ҲХДТ, таъсиси Ситоди пешазинтихоботии КИ ҲХДТ дар шаҳри Душанбе ва тасдиқи нақшаи кории ҳизби мазкур барои соли 2020 мавриди баррасӣ қарор дода шуд.
Зоир Раҳмонзода доир ба шарҳу тавзеҳи Паёми навбатии Пешвои миллат ба Маҷлиси Олии мамлакат маърӯза намуда, зикр кард, ки Паём тамоми самтҳои ҳаёти иқтисодию иҷтимоӣ, сиёсию фарҳангӣ, дохиливу хориҷиро дар бар гирифта, баҳри рушди босуботи мамлакат ва амалӣ намудани бандҳои он марҳилаи нави пешрафту шукуфоиро таъмин намуда, зиндагии арзанда ва инкишофи озоданаро дар роҳи рушди минбаъдаи давлатдории навини миллӣ муҳайё месозад.
Инчунин зимни маҷлис намояндагон ва фаъолони ҳизб оид ба аҳамияти Паём нуктаҳои ҷолиб зикр намуданд.
Дар доираи маҷлис аз рӯи масъалаҳои муҳокимашаванда қарорҳои дахлдор қабул гардиданд.
Дар фарҷоми маҷлиси Кумитаи иҷроияи Ҳизби Халқии Демократии Тоҷикистон дар шаҳри Душанбе маҷлиси Ситоди пешазинтихоботӣ бо аъзои Ситод доир гардид, ки дар он нақшаи чорабиниҳои фаъолияти Ситоди пешазинтихоботӣ тасдиқ карда шуд.
Корвони «Навои модарони ваҳдатсаро» бо фаъолияти корхонаҳои саноатии ноҳияи Ёвон шинос шуданд
АЗ РӮЗГОРИ ОДАМОНИ НАҶИБ. Ёде аз хизматҳои намоёни арбоби давлатӣ ва ҳуқуқшиноси варзида Ҳомиддин Шарифов
Сафари Корвони «Навои модарони ваҳдатсаро» ба шаҳру ноҳияҳои Тоҷикистон оғоз шуд
Имсол дар Тоҷикистон чанд дармонгоҳи нав сохта шуд?
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
