Намояндаи котиботи TADAT ҳолати маъмурикунонии андозро дар Тоҷикистон мусбат арзёбӣ намуд

Декабрь 27, 2019 17:00

ДУШАНБЕ, 27.12.2019 /АМИТ «Ховар»/. Намояндаи Котиботи Воситаи Ташхисии Баҳогузории Маъмурикунонии Андоз (TADAT) Мунаввар Султон Хвонча ҳолати маъмурикунонии андозро дар Ҷумҳурии Тоҷикистон мусбат арзёбӣ намуда, зикр кард, ки як зумра камбудиҳои ошкоршуда ба ҷониби Тоҷикистон ба сифати тавсия, ислоҳ ва иҷро пешниҳод карда мешаванд. Дар сурати идомаи ин гуна тарзи фаъолият Кумитаи андоз метавонад ба натиҷаҳои назаррас ноил гардад.

Ин нукта 27 декабр дар ҳамоише, ки дар толори маҷлисгоҳи Нозироти андозсупорандагони калони Кумитаи андози назди Ҳукумати Ҷумҳурии Тоҷикистон дар мавзӯи «Маъмурикунонии андоз ва Воситаи Ташхисии Баҳогузории Маъмурикунонии Андоз» бо иштироки мутахассисони Воситаи Ташхисии Баҳогузории Маъмурикунонии Андоз (TADAT) ва намояндагони вазорату идораҳои дахлдори Ҷумҳурии Тоҷикистон, Бонки ҷаҳонӣ, Бонки Осиёгии Рушд, Бонки Аврупоии Таҷдид ва Рушд ва Хазинаи Байналмилалии Асъор  баргузор шуд, зикр гардид.

Дар ҳамоиш мутахассисони TADAT натиҷаҳои санҷиши худро оид ба ҳолати маъмурикунонии андоз дар Ҷумҳурии Тоҷикистон баён намуданд.

Зикр гардид, ки TADAT панҷ сол боз чунин баҳогузориро амалӣ карда, то имрӯз дар 77 кишвари ҷаҳон ин низоми баҳодиҳӣ гузаронидааст.

Ин баҳогузорӣ аз рӯи 32 нишондиҳанда, ки ҳар кадом аз 6 то 9 зербандро фаро мегирад, гузаронида шудааст.

Зикр карда шуд, ки мутахассисони TADAT  бо мақсади баҳогузорӣ самтҳои натиҷабахши мақомоти андозро, аз қабили самаранокии идораи хавфҳо, расонидани ёрӣ ба андозсупорандагон ҷиҳати иҷрои уҳдадориҳо, пешниҳоди саривақтии эъломияҳои андозӣ, пардохти саривақтии супоридани андозҳо, дурустии маълумоти дар эъломияҳои андозӣ қайдшуда, самаранокии расмиятҳои ҳалли баҳсҳои андозӣ, самаранокии идораи даромадҳо, ҳисоботдиҳӣ ва шаффофият мавриди баррасӣ қарор доданд.

Ба маълумоти иштирокчиён расонида шуд, ки мутахассисони TADAT баҳои худро вобаста ба низоми маъмурикунонии андози Ҷумҳурии Тоҷикистон ба ҷониби Тоҷикистон пешниҳод мекунанд ва дар сурати мувофиқат, ҷамъбасти ниҳоии он дар сомонаи расмии ин ташкилот эълон карда мешавад.

 

Декабрь 27, 2019 17:00

Хабарҳои дигари ин бахш

Ноиби Президенти Бонки ҷаҳонӣ оид ба Аврупо ва Осиёи Марказӣ Антонелла Бассани аз НБО «Роғун» боздид намуд
Дар ноҳияи Бобоҷон Ғафуров таъмини заминҳои кишоварзӣ бо оби полезӣ таҳти таваҷҷуҳи доимӣ қарор дорад
Антанелла Бассани: «Бонки ҷаҳонӣ дар оянда низ ҳавасманди ҳамкорӣ бо Тоҷикистон мебошад»
11 мутахассиси соҳаи нақлиёти Тоҷикистон дар Ҷопон таҷриба меомӯзад
Охири моҳи июн дар Тоҷикистон ҷашни Тиргон, иди зардолу ва намоиши хушкмеваҳо баргузор хоҳад шуд
«ЭНЕРГИЯИ САБЗ». Тоҷикистон ба яке аз давлатҳои пештози ҷаҳон дар ин соҳа табдил хоҳад ёфт
Дар Тоҷикистон майдони 23 987 гектар ҳосили зироати ғалладонагӣ ҷамъоварӣ шуд
Ҳамарӯза даҳҳо тонна пиёз ва картошка вориди бозорҳои Тоҷикистон мешавад
Озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст ва беҳтаринҳо соҳиби ҷоиза шуданд
Тоҷикистон ва Созмони ҷаҳонии сайёҳӣ ҳамкориро тақвият мебахшанд
Мушкилоти чорводорӣ. Чаро чорводорони дигар минтақаҳои мамлакат муҳлати ба чарогоҳҳои ноҳияи Сангвор овардани чорворо риоя намекунанд?
Дар шаҳри Ваҳдат Фестивал — намоиш ва фурӯши чорвои зотӣ оғоз шуд