Путин қонун оид ба тасвиби созишнома бо Тоҷикистон дар бораи ҷалби муташаккилона барои кор дар Россияро ба имзо расонид
ДУШАНБЕ, 30.12.2019 /АМИТ «Ховар»/. Президенти Россия Владимир Путин қонуни тасвиби созишномаи байниҳукуматӣ бо Тоҷикистон дар бораи ҷалби муташаккилонаи шаҳрвандони ҶТ барои кори муваққатӣ дар ФР-ро ба имзо расонид. Ҳуҷҷат рӯзи шанбе дар портали интернетии расмии маълумоти ҳуқуқӣ нашр шуд, хабар медиҳад АМИТ «Ховар» бо истинод ба ТАСС.
Тавре АМИТ «Ховар» қаблан хабар дода буд, созишнома 17 апрели соли равон дар шаҳри Москва аз ҷониби президентҳои Федератсияи Россия муҳтарам Владимир Путин ва Ҷумҳурии Тоҷикистон муҳтарам Эмомалӣ Раҳмон дар доираи сафари расмии Президенти Тоҷикистон ба Россия имзо шуда буд.
Дар созишнома, аз ҷумла пешбинӣ шудааст, ки мақомоти салоҳиятдори Тоҷикистон уҳдадоранд номзадҳоро барои шуғл бо тахассуси зарурӣ ва таҷрибаи корӣ сафарбар намуда, дар ҳолати зарурӣ барои шаҳрвандон омӯзиши касбӣ гузаронанд, ба онҳо барои гузаштан аз имтиҳонҳои забони русӣ, таърих ва асосҳои қононгузории Россия ва дигар омӯзишҳои зарурии пеш аз муҳоҷират мусоидат намоянд, инчунин сафар то ба ҷойи кори муваққатии онҳоро ташкил ва барои баргаштани муҳоҷирони меҳнатӣ ба қаламрави Тоҷикистон мусоидат намоянд.
Вазорати корҳои дохилии Тоҷикистон дар рӯйхати кофтукови байналмилалӣ ё байнидавлатӣ қарор доштани номзадҳои корҷӯй, инчунин мавҷудияти доғи судӣ нисбат ба онҳоро месанҷад.
Дар шартнома номгӯи талаботи ҳатмӣ барои корфармо, ки дар ҷалби муташаккилонаи муҳоҷирони меҳнатӣ иштирок мекунад, ҷойгоҳи махсус дорад. Ба инҳо таъмини муҳоҷирон бо шароити бехатари меҳнат, таъмини ҳифзи меҳнат ва техникаи бехатарӣ дар ҷойҳои корӣ; набудани халалҳои бартарафнашудаи қонунгузории меҳнат ва муҳоҷирати Федератсияи Россия; мавҷуд набудани садамаҳои истеҳсолӣ дар тӯли як сол пеш аз санаи изҳори хоҳиши иштирок дар ҷалбкунии муташаккил, инчунин мавҷуд набудани қарзи музди меҳнат дохил мешаванд.
ДАР АКС: Лаҳзаи имзои Созишнома миёни Ҳукумати Ҷумҳурии Тоҷикистон ва Ҳукумати Федератсияи Россия дар бораи ҷалби муташаккилонаи шаҳрвандони ҶТ барои кори муваққатӣ дар ФР. Москва, Кремл, 17 апрели соли 2019.
Дар Теҳрон ба муносибати 35-солагии Истиқлоли давлатии Тоҷикистон нишасти матбуотӣ доир шуд
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
