Дар Душанбе ҷашни Сада бо шукӯҳу шаҳомати хосса таҷлил мегардад

Январь 17, 2020 11:47

ДУШАНБЕ, 17.01.2020. /АМИТ «Ховар»/. 26 январ дар Боғи фарҳангию фароғатии Абулқосим Фирдавсии шаҳри Душанбе бо ташаббуси Вазорати кишоварзии Ҷумҳурии Тоҷикистон ҷашни Сада бо шукӯҳу шаҳомати хосса ва намоиши идона  таҷлил мегардад.

Тавре масъули Вазорати кишоварзии мамлакат Ёқубҷон Уроқов ба мухбири АМИТ «Ховар» иттилоъ дод, дар намоиши идона ҳама гуна олоти кории кишоварзӣ, хони пурнозу неъмат, ҳунарҳои мардумӣ ва аз ҳисоби хоҷагиҳои ниҳолпарвару тухмипарвар намоиш-фурӯши ниҳолҳои мевадиҳандаву сояафкан, гулу буттаҳои ҳамешасабзи ороишӣ ва тухмиҳои баландсифат, инчунин дигар суннатҳое, ки ҷашни Садаро ифода  мекунанд, ба маъраз гузошта мешаванд.

Инчунин дар шаҳри Душанбе ва дигар минтақаҳои мамлакат нуқтаҳои муайянгардидаи намоиш-фурӯши ниҳолҳои мевадиҳандаву сояафкан, гулу буттаҳои ҳамешасабзу ороишӣ ва тухмиҳои баландсифати дорои сертификат пешниҳод мегарданд.

Бояд тазаккур дод, ки дар замони истиқлолият иди Сада баробари дигар маросиму суннатҳои миллии мо умри дубора пайдо карда, таҷлили ҳарсолаи он ба ҳукми анъана даромад ва дар  радифи ҷашнҳои миллиамон ба қонунгузории мамлакат ворид гардид. Боиси ифтихори ҳар яки мост, ки ба шарофати соҳибистиқлолӣ анъанаву суннатҳо ва ҷашнҳои миллии мардуми куҳанбунёди мо эҳё гардида, арҷгузорӣ ба онҳо сол ба сол бештар шуда истодааст. Зеро ин ҷашнҳо ёдгоре аз ниёгони ориёии мо буда, мардуми тоҷик онҳоро, аз ҷумла маросими Садаро бо вуҷуди нодида гирифтану монеа эҷод карданҳои зиёд ҳамчун ҷузъи ҷудонопазири хотираи фарҳангии чандинҳазорсолаи худ ва ба сифати дурдонаҳои гаронбаҳои маънавӣ ҳифз намудаанд.

Пешвои миллат муҳтарам Эмомалӣ Раҳмон дар Паёми табрикии худ ба муносибати ин ҷашни аҷдодӣ дар соли 2019 иброз доштанд, ки: «Ниёгони мо панҷоҳ шабу панҷоҳ рӯзро то ҷашни Наврӯз ҳисоб карда, Садаро таҷлил мекарданд. Яъне Сада ҷашни омодагӣ ба Наврӯз буда, ин ду ҷашни қадимӣ бо ҳам тавъам мебошанд. Мувофиқи сарчашмаҳои таърихӣ сабаби Сада номгузорӣ шудани ин ҷашн низ дар ҳамин аст».

Акс аз бойгонӣ

Январь 17, 2020 11:47

Хабарҳои дигари ин бахш

«DUSHANBE INVEST-2025». 26 созишномаи ҳамкорӣ ба маблағи беш аз 3 миллиард доллар ба имзо расид
Ғолибони Озмуни «Маҳсулот ва хизматрасонии беҳтарин дар Ҷумҳурии Тоҷикистон» қадрдонӣ карда шуданд
«ДУШАНБЕ ИНВЕСТ-2025». 8 санади ҳамкорӣ оид ба рушди инноватсия ва рақамикунонии соҳа ба имзо расид
РӮЗИ КИШОВАРЗОНИ ТОҶИКИСТОН. Таъмини амнияти озуқаворӣ ҳадафи асосии кишоварзон аст
Тоҷикистон ҳамкориро бо UNECE дар соҳаи инноватсия ва иқтисоди рақамӣ тақвият медиҳад
Сарвари давлат: «Содироти маҳсулоти кишоварзӣ ба хориҷи Тоҷикистон солҳои охир рӯ ба афзоиш дорад»
Дар вилояти Суғд масъалаи насби панелҳои офтобӣ баррасӣ гардид
Сарвазири Ҷумҳурии Тоҷикистон бо Вазири сармоягузории Подшоҳии Арабистони Саудӣ мулоқот намуд
Дар ҷаласаи Комиссияи муштараки байниҳукуматии Тоҷикистон ва Арабистони Саудӣ дурнамо ва самтҳои афзалиятноки ҳамкории иқтисодӣ баррасӣ гардид
Дар Рим ҳамкории Тоҷикистон ва Созмони озуқаворӣ ва кишоварзии СММ баррасӣ шуд
Дар доираи «Душанбе Инвест-2025» мубоҳисаи канории «Маблағгузории иқлим ва бозорҳои карбонӣ» баргузор гардид
Баҳодур Шерализода ва Татяна Молчан Барномаи давлатии рушди маърифат ва фарҳанги экологиро баррасӣ намуданд