Дар Душанбе Рӯзи кормандони ҳифзи иҷтимоии аҳолӣ таҷлил гардид

Январь 25, 2020 12:03

 ДУШАНБЕ, 25.01.2020 /АМИТ «Ховар»/. Имрӯз  дар шаҳри  Душанбе бо ташаббуси Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бахшида ба Рӯзи кормандони соҳаи меҳнат ва ҳифзи иҷтимоии аҳолӣ ҳамоиши идона доир гардид. Дар он Вазири тандурустӣ ва ҳифзи иҷтимоии аҳолӣ Насим Олимзода, кормандони дастгоҳи марказии вазорат, роҳбарон ва намояндагони  ташкилоту муассисаҳои ҳифзи иҷтимоии аҳолӣ иштирок намуданд.

Вазири тандурустӣ ва ҳифзи иҷтимоии аҳолӣ Насим Олимзода сухан карда, кормандони соҳаро бо Рӯзи касбиашон  муборакбод намуд.

Номбурда иброз намуд, ки  ҳоло дастгирии иҷтимоии ниёзмандон, маъюбон, кӯдакони ятиму бесаробонмонда, собиқадорони ҷангу меҳнат ва оилаҳои камбизоат дар мадди назари Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад. Ин аст, ки  Сарвари давлат зимни ироаи Паёми навбатии худ ба Маҷлиси Олии мамлакат 26 декабри соли 2019 изҳор намуданд, ки «Ҳукумати ҷумҳурӣ вазъи иҷтимоии табақаҳои осебпазири ҷомеаро ҳамеша дар маркази диққати худ қарор дода, вобаста ба рушди иҷтимоиву иқтисодии мамлакат барои беҳтар намудани шароити онҳо пайваста чораҷӯӣ менамояд. Дар ҳамин асос бо мақсади дастгирии иҷтимоии табақаҳои осебпазири ҷомеа  нафақаи шаҳрвандони маъюби то синни 18 ва дигар гурӯҳҳои маъюбон, ки кор намекунанду ба нигоҳубин эҳтиёҷ доранд, аз 1 сентябри соли равон 50 фоиз зиёд карда, андозаи он ба нафақаи нафақагироне, ки тибқи Қонуни Ҷумҳурии Тоҷикистон «Дар бораи нафақаҳои суғуртавӣ ва давлатӣ» муқаррар гардидааст, баробар карда шавад».

Тадбирҳои мазкур имкон медиҳанд, ки вазъи иҷтимоии қариб 30 ҳазор нафар нафақагирон беҳтар гардад, гуфт Насим Олимзода ва илова намуд, ки мо кормандони соҳаҳои тандурустӣ ва ҳифзи иҷтимоии аҳолии мамлакат дастуру супоришҳои Пешвои миллатро сармашқи кори худ қарор дода, ҳалли масъалаҳои иҷтимоӣ, аз ҷумла ғамхорӣ дар ҳаққи гурӯҳҳои осебпазири аҳолиро аз ҷумлаи вазифаҳои муҳимтарини худ мешуморем.

«Низоми ҳифзи иҷтимоии аҳолӣ ҳамчун қисми муҳими сиёсати иҷтимоии давлат ба шумор рафта, мақсад ва вазифаҳои он, пеш аз ҳама, ба баланд бардоштани некӯаҳволии мардум ва таъмини шароити арзандаи зиндагии шаҳрвандон равона карда шудааст. Мояи  сарфарозист, ки имрӯз Ҷумҳурии Тоҷикистон дар роҳи татбиқи ҳадафҳои стратегии худ ҷиҳати таъмини кафолатҳои иҷтимоии табақаҳои осебпазири ҷомеа, рушди минбаъдаи ҳифзи иҷтимоии аҳолӣ бо қадамҳои устувор пеш меравад. Дар  даврони Истиқлолияти давлатӣ, хусусан соли сипаригардида дар ҷараёни татбиқи сиёсати давлатӣ дар самти ҳифзи иҷтимоӣ дар Тоҷикистон дастовардҳои назаррас ба даст оварда шудаанд»,- иброз дошт Вазири тандурустӣ ва ҳифзи иҷтимоии аҳолӣ.

Дар хатми ҷамъомад  як гурӯҳ кормандони соҳаи иҷтимоӣ  бо ифтихорнома ва сипоснома қадрдонӣ шуданд.

Январь 25, 2020 12:03

Хабарҳои дигари ин бахш

СОЛИ МАЪРИФАТИ ҲУҚУҚӢ. Суд метавонад аз ҳисоби падару модар ба манфиати фарзанд то 20-24-солагӣ алимент ситонад
Дар Тоҷикистон лоиҳаи «Навсозии ҳифзи иҷтимоӣ ва ҳамгироии иқтисодӣ» татбиқ мегардад
«НАҚШИ ҶАВОНОН ДАР ТАҲКИМИ ИСТИҚЛОЛИЯТИ ДАВЛАТӢ». Таҳти ин унвон ҳамоиши ҷавонон доир шуд
Лоиҳаи навсозии ҳифзи иҷтимоӣ ва ҳамгироии иқтисодӣ баррасӣ шуд
Дар Тоҷикистон барномаи омӯзишии «Пешгирӣ, ташхис, табобат ва вокуниш ба бемории обилаи маймун» амалӣ мегардад
Нақши воситаҳои ахбори омма дар татбиқи сиёсати ҳуқуқии мамлакат назаррас аст
Дар муассисаҳои олии Тоҷикистон бо иштироки коршиносони Шурои байнидавлатии муқовимат ба коррупсияи давлатҳои ИДМ дарсҳои озод доир шуданд
Дар шаҳри Душанбе вазъи хизматрасонӣ ба модару кӯдак таҳлил гардид
Дар Душанбе ҷаласаи вазирони давлатҳои аъзои Созмони ҳамкории иқтисодӣ оид ба коҳиши хатари офатҳои табиӣ баргузор гардид
СОЛИ МАЪРИФАТИ ҲУҚУҚӢ. Агар волидон то 3 моҳ барои кӯдак шаҳодатномаи таваллуд нагиранд, ҷарима пардохт менамоянд
Бо татбиқи «Барномаи рушди муассисаҳои табобатии давлатии Ҷумҳурии Тоҷикистон барои солҳои 2022-2025» сатҳу сифати хизматрасонии тиббӣ ба аҳолӣ беҳтар гардид
СОЛИ МАЪРИФАТИ ҲУҚУҚӢ. Ҷавҳари ҷомеаи шаҳрвандӣ дар асоси риояи ҳуқуқи инсон ва волоияти қонун устувор мегардад