Дар Кумитаи кор бо ҷавонон ва варзиш ҷаласаи васеи мудирони шуъбаҳои кор бо ҷавонони муассисаҳои таҳсилоти олии Душанбе баргузор гардид

Январь 31, 2020 15:31

ДУШАНБЕ, 31.01.2020 /АМИТ «Ховар»/.  Имрӯз дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҷаласаи васеи мудирони шуъбаҳои кор бо ҷавонони муассисаҳои таҳсилоти олии ҳудуди шаҳри Душанбе баргузор гардид.

Дар ҷаласаи мазкур раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода зикр  намуд, ки дар заминаи дастуру супоришҳои Пешвои миллат фаъолияти кори шуъбаҳои муассисаҳои таҳсилоти олии мамлакат, татбиқи босамари сиёсати давлатии ҷавонон ва ҳамоҳангсозии шуъбаҳои кор бо ҷавонони муассисаҳои таҳсилоти олии мамлакат ба уҳдаи Кумитаи кор бо ҷавонон ва варзиш гузошта шудааст.  Аз ин рӯ, Кумита ҳамчун мақомоти салоҳиятдори давлатӣ дар самти амалӣ намудани сиёсати давлатии ҷавонон, рушду инкишофи варзиш дар мамлакат ва тақвияти кори шуъбаҳои кор бо ҷавонони муассисаҳои таҳсилоти олии мамлакат бо Вазорати маориф ва илм созишномаи ҳамкорӣ ба тасвиб расонид. Ҳоло Кумита бо мақсади амалигардонии ҳадафҳои олии Ҳукумати ҷумҳурӣ дар самти татбиқи сиёсати давлатии ҷавонон чорабиниҳои гуногун ва тадбирҳои мушаххас роҳандозӣ намуда истодааст.

Муовини  раиси Кумитаи кор бо ҷавонон ва варзиш Дилноза Аҳмадзода аз  натиҷаи фаъолияти шуъбаҳои кор бо ҷавонони муассисаҳои таҳсилоти олии  мамлакат сухан кард. Номбурда аз чумла  зикр намуд, ки ҷиҳати амалигардонии сиёсати давлатии ҷавонон аз ҷониби шуъбаҳои кор бо ҷавонони муассисаҳои таҳсилоти олии мамлакат пайваста чорабиниҳои гуногуни варзишӣ,  озмунҳои илмӣ – адабӣ бо доираи васеи донишҷӯён доир карда мешаванд.

Дар анҷоми ҷаласаи васеи мудирони шуъбаҳои кор бо ҷавонони муассисаҳои таҳсилоти олии ҳудуди шаҳри Душанбе масъалаи тақвияти кори шуъбаҳои кор бо ҷавонони муассисаҳои таҳсилоти олӣ, таҳияи нақшаи чорабиниҳо барои соли 2020, омодагӣ ба ҷашнҳои дар пешистода, хусусан Рӯзи Артиши миллӣ, Рӯзи Модар ва Наврӯзи байналмилалӣ мавриди баррасии ҳамаҷониба қарор гирифтанд.

 

Январь 31, 2020 15:31

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
ПУРСИДЕД, ҶАВОБ МЕДИҲЕМ. Бақайдгирӣ ва аз қайд баровардани шаҳрванд аз ҷойи истиқомат чӣ гуна амалӣ мегардад?
Имрӯз дар водиҳои Тоҷикистон ҳаво то 23 дараҷа гарм мешавад
Теъдоди ҳалокшудагони заминларзаи Бангкок ба 20 нафар расид
Хонандагони тоҷик дар Олимпиадаи байналмилалии Infomatrix — Asia сазовори ҷойҳои намоён гардиданд
Теъдоди ҳалокшудагони заминларзаи Мянма ба 2056 нафар расид