Диловар Қодирзода бо Сафири нави шоҳигарии Британияи Кабир ва Ирландияи Шимолӣ дар Тоҷикистон мулоқот намуд
ДУШАНБЕ, 17.01.2020 /АМИТ «Ховар»/. Директори Маркази тадқиқоти стратегии назди Президенти Ҷумҳурии Тоҷикистон Диловар Қодирзода 16 январ бо Сафири Фавқулода ва Мухтори Шоҳигарии Британияи Кабир ва Ирландияи Шимолӣ дар Ҷумҳурии Тоҷикистон ҷаноби Мэтю Лоусан мулоқот намуд. Дар ин бора аз Маркази тадқиқоти стратегии назди Президенти Ҷумҳурии Тоҷикистон ба АМИТ «Ховар» хабар доданд.
Ба иттилои манбаъ, Д. Қодирзода робитаҳои дӯстонаи Ҷумҳурии Тоҷикистон ва Шоҳигарии Британияи Кабир ва Ирландияи Шимолиро мусбат арзёбӣ карда, иброз дошт, ки рушди минбаъдаи онҳо ҷавобгӯи манфиатҳои ҳар ду ҷониб мебошад. Ӯ хусусан рушди робитаҳои тиҷоратӣ ва иқтисодии ҳар ду давлатро муҳим дониста, зикр намуд, ки зарфият ва имкониятҳои воқеии ҳар ду давлат дар ин самт пурра истифода нашудаанд.
Диловар Қодирзода зимнан дар бораи масъалаҳои сиёсию амниятӣ сухан ронда, моҳияти сиёсати хориҷии «дарҳои боз»-и Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба меҳмон шарҳ дода, қайд кард, ки Тоҷикистон ҷонибдори ҳалли мусолиматомези тамоми масъалаҳои баҳсноки минтақаи Осиёи Марказӣ ва ҷаҳон мебошад.
Сафири нави Фавқулода ва Мухтори Шоҳигарии Британияи Кабир ва Ирландияи Шимолӣ дар Ҷумҳурии Тоҷикистон ҷаноби Мэтю Лоусан ба рушди робитаҳои дӯстона ва ҳамкориҳои Британияи Кабир ва Тоҷикистон баҳои баланд дода, таҳкими онҳоро ҳадафи асосии фаъолияти дипломатии худ дар Ҷумҳури Тоҷикистон номид. Ӯ аз робитаҳои фарҳангии мардумони англис ва тоҷик ёдовар шуда, тазаккур дод, ки барои рушду густариши минбаъдаи ҳамкориҳо дар соҳаҳои фарҳангу маориф, адабиёту санъат ва махсусан, соҳаи туризм, барномаҳо ва пешниҳодҳои мушаххасро амалӣ хоҳад намуд.
Зимни мулоқот инчунин, ҳар ду тараф масъалаҳои амнияти минтақавию ҷаҳон, ҳалли мусолиматомези муноқишаҳо ва истиқрори сулҳу субот дар Афғонистон, ташаббусҳои байналмилалии Тоҷикистон дар соҳаи об дар доираи фаъолияти СММ, созмонҳои байналмилалӣ ва минтақавӣ, дипломатияи об барои рушди устувор, тағйирёбии иқлим ва обшавии пиряхҳо, вазъи экологии минтақа, наҷоти баҳри Арал ва ғайраро мавриди баррасӣ ва арзёбӣ қарор доданд.
Дар Кения тақрибан 150 нафар дар натиҷаи обхезӣ ҳалок шуданд
Бар асари тӯфони «Мичаунг» дар ҷанубу шарқи Ҳиндустон 17 нафар ҳалок шуданд
Имрӯз дар Тоҷикистон ҳавои камабри бебориш дар назар аст
Дар натиҷаи обхезӣ дар Малайзия зиёда аз 4000 нафар тахлия шуданд
Намояндаи палатаи поёнии Парлумони Тоҷикистон дар ҷаласаи 10-уми сайёри намояндагони вазоратҳои корҳои хориҷӣ ва вакилони порлумон иштирок намуд
Имрӯз дар Тоҷикистон 21 дараҷа гармӣ дар назар аст
МУДОФИАИ ГРАЖДАНӢ. Дар ноҳияи Данғара омӯзишҳои мудофиавӣ амалӣ гардиданд
Донишҷӯи Консерваторияи миллии Тоҷикистон дар озмуни байналмилалӣ сазовори ҷои ифтихорӣ шуд
Ба кормандони ширкатҳои пешрафта чиро ва бо кадом роҳ меомӯзонанд?
Имрӯз дар Тоҷикистон ҳавои камабри бебориш дар назар аст
Дар Хуҷанд вобаста ба истифодаи технологияи муосир дар таълими фанҳои табиатшиносӣ, дақиқ ва риёзӣ конференсияи ҷумҳуриявӣ доир шуд
ТАРБИЯИ ВАТАНДӮСТИИ ШАҲРВАНДОН. Доир ба он дар Кумитаи телевизион ва радиои Тоҷикистон мулоқоти судманд баргузор шуд
