Кормандони милитсия ду ҳодисаи одамкуширо таҳқиқ мекунанд

Январь 15, 2020 15:15

ДУШАНБЕ, 15.01.2020 /АМИТ «Ховар»/. 14 январ, тахминан соати 15:20,  миёни  марди 41-солаи   сокини Ҷамоати деҳоти Озодагони ноҳияи Панҷи вилояти Хатлон  ва   ҷавонписари  21-сола,  истиқоматкунандаи ҳамин ноҳия дар манзили зисти аввалӣ муноқиша сар мезанад. Марди 41-сола аз ҳиссиёти авбошӣ  бо  корд  2 маротиба ба гардани ҷавон  мезанад, ки дар натиҷа  ҷабрдида ҷароҳатҳои  вазнини ҷисмонӣ бардошта, дар ҷойи ҳодиса ба ҳалокат мерасад. Дар ин бора АМИТ «Ховар» бо истинод ба Вазорати корҳои дохилии Ҷумҳурии Тоҷикистон  хабар медиҳад.

Ҳангоми гузаронидани чорабиниҳои  фаврӣ — ҷустуҷӯӣ аз ҷониби кормандони милитсия  гумонбаршуда дастгир карда шуд. Нисбат ба ӯ парвандаи ҷиноятӣ бо моддаи 104, қисми 1-и  Кодекси ҷиноятии Ҷумҳурии Тоҷикистон оғоз гардида, корҳои тафтишотӣ  идома доранд.

Бино ба иттилои манбаъ, ҳамчунин  дар натиҷаи гузаронидани чорабиниҳои фаврӣ — ҷустуҷӯӣ аз ҷониби кормандони милитсия  як  марди 32-солаи сокини ноҳияи Синои шаҳри Душанбе бо гумони қасдан расонидани зарари вазнин ба саломатӣ дастгир карда шуд.

«Дастгиршуда  2  декабри соли 2019, тахминан соати 21:30, дар каҳвахонаи «Сабрина» дар ҳолати мастӣ аз ҳиссиёти авбошӣ бо марди 57-солаи сокини пойтахт  ҷанҷол карда, ӯро лату кӯб намудааст.  Дар натиҷа ҷабрдида ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст. Аз рӯи ин ҳодиса низ тафтишот идома дорад»,- афзуд манбаъ.

Январь 15, 2020 15:15

Хабарҳои дигари ин бахш

СОЛИ МАЪРИФАТИ ЭКОЛОГӢ. Зимни гузаронидани ҳашари «Тозагии ҳаво» зиёда аз 1900 нақлиёти ифлос сабт шуд
Дар Коллеҷи тиббии шаҳраки Оби Гарми Роғун доир ба пешгирии терроризм конференсияи илмӣ баргузор гардид
Раиси Кумитаи ҳифзи муҳити зисти Тоҷикистон бо ниҳолхонаи бахши ҳифзи муҳити зист дар Шаҳристон шинос шуд
ҶАВОНОНИ БАДАХШОН-ПАЙРАВОНИ ПЕШВОИ МИЛЛАТ. Бо донишҷӯёни Донишгоҳи давлатии Хоруғ мулоқот доир гардид
Дар доираи Ҳафтаи илм дар Институти фалсафа, сиёсатшиносӣ ва ҳуқуқ конфронси ҷумҳуриявӣ баргузор гардид
Кишоварзони шаҳри Панҷакент азм доранд майдони кишти картошкаро ба 5 ҳазор гектар расонанд
Дар Боку Форуми VI умумиҷаҳонии муколамаи байнифарҳангӣ баргузор мешавад
БО УСУЛИ «ХОНА БА ХОНА». Дар шаҳри Левакант суҳбат ва корҳои фаҳмондадиҳӣ гузаронида шуданд
ОБОДОНӢ ДАР МАҲАЛ. Дар Ҷамоати деҳоти Кӯлоб пули нав ба истифода дода мешавад
Дар кооперативҳои тиҷоратӣ ва хоҷагиҳои деҳқонии шаҳри Кӯлоб кишти пунбадона оғоз гардид
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Дар шаҳри Ҳисор ҷараёни татбиқи яке аз қонунҳои миллии мамлакат баррасӣ гардид