Нашри лифофаҳои ҷашнӣ ба муносибати 28-солагии равобити дипломатии Тоҷикистону Чин
ДУШАНБЕ, 11.01.2020 /АМИТ «Ховар»/. 9 январ дар Осорхонаи Jin Tai Art-и шаҳри Пекин бо ибтикори Сафорати Тоҷикистон, Вазорати корҳои хориҷии Чин ва Бунёди сулҳ ва рушди Чин маросими рӯнамоии лифофаҳои ҷашнӣ, ки ба муносибати 28-солагии равобити дипломатӣ миёни Ҷумҳурии Тоҷикистон ва Ҷумҳурии Мардумии Чин нашр шудаанд, доир гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Лифофаҳои ҷашниро Бунёди сулҳ ва рушди Чин ба муносибати рӯйдоди мазкур ба теъдоди 50000 дона нашр намуда, муаллифони мусаввараи рӯйи лифофаҳо «Рақс дар домони Помир» рассоми тоҷик Ғафур Ҷӯраев ва ҳамтои чинии ӯ Чэн Ҷян мебошанд. Дар он мусаварра гурӯҳи духтарони тоҷик дар тан либоси миллии чакан дар домони кӯҳҳои сарбафалаки Помир рӯйи чаман рақсу шодӣ доранд. Дар канори онҳо қуллаҳои барфпӯши кӯҳистон ва осмони нилгун ба назар мерасад.
Асари офаридаи мусаввирони тоҷику чинӣ бозгӯи он аст, ки халқҳои Тоҷикистону Чин бо ҳам дӯстони қарин буда, дар имтидоди Роҳи бузурги абрешим ҳамзистии осоишта доранд.
Дар кунҷи дигари лифофаҳои ҷашнӣ тасвири «Пули тиллоии Роҳи абрешим» омадааст, ки ба қалами рассоми чинӣ Шу Юн тааллуқ дорад. Ба назари ӯ, ҳадаф аз тарҳ ва нашри лифофаҳои ҷашнӣ бунёди «пули фарҳангӣ», ки Чинро бо дигар кишварҳои чаҳон, аз ҷумла Тоҷикистон хоҳад пайваст, мебошад.
Акс аз ВКХ ҶТ
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
