ТАҚВИМИ АМИТ «ХОВАР»: имрӯз 21 январ, сешанбе, 21-умин рӯзи соли 2020 аст

21 январи соли 2011 бо Фармони Президенти Ҷумҳурии Тоҷикистон Хадамоти муҳоҷирати назди Ҳукумати Ҷумҳурии Тоҷикистон таъсис дода шуд.

***

3 сол пеш, 21 январи соли 2017 Пешвои миллат муҳтарам Эмомалӣ Раҳмон дар робита ба хабари ҳузнангези ба ҳалокат расидан ва ҷароҳат бардоштани шаҳрвандони Венгрия, аз ҷумла, кӯдакону наврасон бар асари садамаи воситаи нақлиётӣ дар Италия ба Президенти Венгрия Янош Адер барқияи тасаллият ирсол намуданд.

***

Дар ин рӯзи соли 2018 Сарвари даврат муҳтарам Эмомалӣ Раҳмон бо Раиси шаҳри Душанбе Рустами Эмомалӣ дар Боғи Наврӯзгоҳи пойтахт дарахтони нодири сояафкану ороишӣ шинонида, ба маъракаи ниҳолшинонӣ ва вусъати корҳои ободонию сабзазоркунӣ ва сабзу хуррам гардонидани муҳити атроф ҳусни оғоз бахшиданд.

 21 ЯНВАР ТАҶЛИЛ КАРДА МЕШАВАД:

Дар Полша – Рӯзи бибӣ (модаркалон).

***

Дар Беларус — Рӯзи қӯшунҳои муҳандисӣ.

РӮЙДОДҲО:

21 январи соли 2014 Сарвазири Ҷумҳурии Тоҷикистон Қоҳир Расулзода бо ҷараёни корҳои соҳилмустаҳкамкунӣ дар минтақаҳои наздисоҳилии  шаҳри Кӯлоб ва ноҳияи Восеи вилояти Хатлон шинос шуд.

***

21 январи соли 2016 ВАО хабар доданд, ки дастаҳои футболи Испания — «Реал»ва «Барселона», инчунин «Манчестер Юнайтед»-и Англия дар соли 2015 зиёда аз 500 миллион евро ба даст овардаанд.

***

9 сол пеш, 21 январи соли 2011 дар Остона, дар  Донишгоҳи миллии санъати Қазоқистон ҷаласаи дуюми Шӯрои ректорони консерваторияҳои Иттиҳоди Давлатҳои Мустақил баргузор гардид.

***

21 январи соли 1862 Адам Опел дар шаҳри Рюсселхайми Германия корхонаи истеҳсоли мошинаҳои дӯзандагӣ ифтитоҳ намуд. Соли 1886 ширкати «Опел» истеҳсоли дучарха ва соли 1899 истеҳсоли мошинро сар кард ва  ҳоло яке аз ширкатҳои машҳуртарин дар ҷаҳон мебошад.

 ИНЧУНИН ДАР ИН РӮЗ …

Соли 2014 дар пойтахти Ҷумҳурии Мардумии Чин- шаҳри Пекин ҷаласаи якуми раёсати Шӯрои расмии Созмони ҳамкории Шанхай доир гардид. Дар ҷаласа роҳбарони қисмҳои миллии Шӯрои расмии кишварҳои иштирокчии СҲШ- Тоҷикистон, Россия, Чин, Қирғизистон, Қазоқистон ва Ӯзбекистон ширкат варзиданд.

***

Соли 1932 дар Остона аввалин шумораи рӯзномаи «Ҳақиқати Қазоқистон» («Казахстанская правда») нашр шуд.

Тақвими моро дар ин гӯша

шореҳ Шукӯҳи ДАЛЕР варақ мезанад