Трамп пас аз ҳамла ба пойгоҳҳои ИМА дар Ироқ ба миллат муроҷиат накардааст

ДУШАНБЕ, 08.01.2020 /АМИТ «Ховар»/. «Муроҷиати  Президенти ИМА Доналд Трамп ба миллат вобаста ба ҳамлаи мушакӣ ба пойгоҳҳои амрикоӣ дар Ироқ шоми сешанбе  сурат нахоҳад гирифт. Дар ин бора шабакаи телевизионии  CNN, ки қаблан аз изҳороти муҳим доштани соҳиби Кохи Сафед баъд аз мулоқоти фавқулода бо вазири мудофиа, котиби давлатӣ ва дигар ҷонибҳои манфиатдор иттилоъ дода буд, хабар додааст»,- мегӯяд  АМИТ «Ховар» бо истинод ба ТАСС.

Хадамоти матбуоти роҳбарияти  Амрико  ба зудӣ изҳор дошт, ки ҳеҷ гуна муроҷиат ба миллат ҳатто ба нақша гирифта нашудааст.

«Котиби  матбуотии  Кохи Сафед Стефани Гришам гуфт, ки «саросемагӣ дар пайи аввалин шуда додани хабарҳои фаврӣ    ҷомеаро бори дигар қурбони паёмҳои бемасъулиятона мегардонад»,-  суханони ӯро  иқтибос овардааст ТАСС.

«Дар ҳоле, ки  ба гуфтаи хабаргузории  RT  Президенти ИМА Доналд Трамп  ҳамлаҳои мушакии Эронро   ба пойгоҳҳои ИМА дар Ироқ шарҳ дода, дар «Twitter» навиштааст, ки «ҳамааш хуб аст».

Ба гуфтаи вай, айни замон маълумот дар бораи қурбониён ва ҷабрдидагон дақиқ карда шуда, инчунин зарари расонидашуда ҳисоб карда мешавад.

Трамп дар илова гуфтааст, ки  ният дорад  субҳи рӯзи чаҳоршанбе, 8 ноябр изҳорот диҳад.